[Foto’s] Oos-Kaap, Lesotho in sneeukombers toegevou

 
  Cyril Blackburn

Sneeu by die Afriski-oord (Foto: Facebook)

Terwyl storms in groot dele van KwaZulu-Natal verwoesting saai, is gedeeltes van die Oos-Kaap en Lesotho oornag in ʼn prentjiemooi-landskap omgetower nadat sneeu sedert Maandag in dié provinsies val.

Volgens Snow-Report is meer as 40 cm sneeu deur die loop van Maandag en Dinsdag vir die ooste van Lesotho verwag. Die sneeu sal na verwagting nog tot Dinsdag om middernag val voor die weer sal verander.

Die Naudé’s Nek-pas in die Oos-Kaap was teen Dinsdagmiddag laat vir verkeer gesluit weens swaar sneeu wat motoriste verhoed om in die omgewing te ry. Die Sani-pas was wel nie gesluit nie, maar is ook swaar deur die sneeu getref.

Sneeu is ongewoon vir dié tyd van die jaar. In provinsies soos die Oos-Kaap en Lesotho kom sneeu grotendeels tussen Julie en Augustus voor.

Die AfriSki Mountain Resort en Snow-Report het hul mooiste sneeufoto’s op sosiale media gedeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

8 Kommentare

Michelle ·

Stem saam met Marinda , sneeu is pragtig dit doen net iets aan jou siel, iets skoon en rein.

Dankie ·

Dankie Here U is groot sien dit in U wonderwerke . U is groot ons 3 Eenige God Vader Suen en die Heilige Gees. Sal U ook dink aan die Kaap ook . Phillip Jessen

Connie ·

Ek wil net noem. Dit het al op 25 Desember kapok in Barkly-Oos. Toe ek nog ‘n kinders was.

Skybird ·

25 Desember 2011 , is ons begroet met doodse stilte en ń spierwit kombers van 17 cm dikte sneeu en die kapok het stadig in groot vere neergedaal, Wit Kersfees ! in Matatiele

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.