Die stadsaal in Komani (Queenstown) in die Oos-Kaap was Saterdag in die vroeë oggendure deur vlamme omhul.
Brig. Thembinkosi Kinana, polisiewoordvoerder, sê polisiebeamptes op patrollie het vanoggend rook uit die gebou sien trek en ondersoek gaan instel. Dié gebou huisves die Enoch Mgijima‑ plaaslike munisipaliteit.
“Onbevestigde berigte dui daarop dat alle munisipale kantore afgebrand het. Die polisie het ’n ondersoekdossier geopen.”
Kinana sê die omstandighede van die brand is nie in dié stadium bekend nie.
“Geen inhegtenisnemings is in dié stadium gemaak nie en geen beserings is aangemeld nie.”
Foto’s van die brandende gebou word intussen wyd op sosiale media versprei.
’n Woordvoerder van die Enoch Mgijima‑ plaaslike munisipaliteit kon nie vanoggend vir kommentaar bereik word nie.
Breaking: The Queenstown town hall has been burnt to the ground.
The historical Komani Town Hall building which houses the Enoch Mgijima Local Municipality council went up in flames in the early hours of this morning.
Hopefully this was not to destroy financial records. pic.twitter.com/XLrSLLMj6O
— Prof Mighti (@MightiJamie) January 29, 2022
Snaaks dat àlles deesdae so maklik brand?
Hulle gaan nie ophou tot die hele land in as en pyn lê nie.
Ek het nie woorde om my misnoeë en hartseer oor die vernietiging van sulke pragtige geboue te beskryf nie.
Hulle kan die land maar afbrand. Ons is net bywoners.
Wanneer gaan hierdie ongevraagde brande end kry? Alles dui op ‘n vernietigende ANC wat die land heeltemal vernietig /verwoes en dan vir die “apartheid” wil skuld gee dat daar nie infrastruktuur is wat hul vernietig het uit weerwraak.