Foto’s: Park wat miljoene kos nou ʼn hoop vullis en as

Die Seawinds-park na 16 maande. Foto: Verskaf

Die Seawinds-slimpark naby Lavender Hill in Kaapstad is binne 16 maande van ʼn park van wêreldgehalte tot net ʼn hoop rommel en as gereduseer.

Die park wat teen ʼn koste van R7 miljoen gebou is, is op Erfenisdag (24 September) in 2017 vir die publiek geopen en het onder meer ʼn waterspeelarea gehad waar kinders meer kon leer oor die watersiklus. Daar was ook ʼn speelarea vir kleiner kindertjies, twee bane waar verskeie balsporte gespeel kon word, ʼn piekniekarea, ʼn buitelug-oefenarea en ʼn onderdak verhoog.

Só het die park gelyk. Foto: Verskaf

Die park is egter onherkenbaar vernietig en is nou niks meer as ʼn hoop rommel en as nie. Zahid Badroodien, burgemeesterskomiteelid vir gemeenskapsdienste en gesondheid, het sy skok uitgespreek oor die toestand van die park.

“Al die fasiliteite is tot op die grond afgebrand, gevandaliseer of gesteel. Die park is só erg beskadig dat jy dit nie eens meer kan herken as dieselfde plek toe dit oopgemaak het nie.”

Die Seawinds-park na 16 maande. Foto: Verskaf

Badroodien het gesê die doel van die park was om mense byeen te bring en om ʼn blywende nalatenskap vir die kinders van die omgewing te gee. “Ongelukkig het kriminele die park en dit waarvoor dit gestaan het vernietig. Families het nou nie meer ʼn pragtige veilige plek nie en die kinders in die area het nou minder plek om te speel.”

Die publiek is aangemoedig om voorvalle van vandalisme by die polisie aan te meld, aangesien die stad volgens Badroodien nie alleen die euwel van vandalisme kan aanpak nie.

“Ons sal kyk na langtermyn oplossings om hierdie laakbare gedrag te probeer stopsit. Ons sal saam met die gemeenskappe, die polisie en ander wetstoepassingsagentskappe werk.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

59 Kommentare

jongste oudste gewildste
Karin

Werklik ! Hoe kan julle nog geskok wees oor sulke gevalle !

Ex DA supporter

The DA that always criticizes and then this happens in their own back yard. If it was managed properly it wouldn’t be in ruins. Don’t make it the public problem to report things.

Johanna Botha

Dis nou n GROOOT GEMORS ! ! DA sokkies optrek ……NOU ?

Francis Linström

Gaan kyk made enige plek in SA en jy sien vandalisme van opebare geriewe. Humansdorp se karavaanpark se geboue se dakke en deure is alles weg. Glo swembad is ook tot niet. Aliwal warmbronne, Eens hoog produserende plase, PE Uitenhage tonnels, afgebrande skole en so kan ek aanhou. Oral, so hoe kan dit gestop word?

Willehond

Hallo suid afrika! Let op my klein letters, die gemors land verdien nie hoofletters nie!