[Foto’s] Polisiebeampte, verdagtes vas ná sakeroof

Foto: SAPD.

Drie mans, onder wie ʼn polisiekonstabel, het vandag in die Standerton-landdroshof verskyn ná hulle glo ʼn bakkery beroof het.

Brig. Leonard Hlathi, provinsiale woordvoerder van die polisie, het gesê konst. Simangaliso Phungwayo, Doctor Sibeko (58), Simanga Sibilwane (52) en  Phuthuma Ntombela (27) is steeds in aanhouding.

Die saak is uitgestel tot 6 Julie vir hul formele aansoek om borgtog.

“Die rooftog het Saterdag plaasgevind. ʼn Groep van sewe mans het ʼn bakkery binnegestorm en die eienaar en sy vrou beroof terwyl hulle geld getel het. Hulle het van die toneel gevlug met ʼn onbekende bedrag kontant,” het Hlathi gesê.

Die eienaar het glo die verdagtes agternagesit en die sekuriteitsmaatskappy gekontak om hul vas te trek. “Die blitsige reaksie van Kasselman-sekuriteitswagte in samewerking met die polisie het gesorg vir die inhegtenisname van die vier verdagtes nog voor hulle hul wegkomvoertuig kon bereik,” het Hlathi verduidelik.

Die interne ondersoek teen Phungwayo word tans uitgevoer.

Die polisie is op soek na die ander drie verdagtes en is “optimisties” dat hulle binnekort opgespoor sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

12 Kommentare

Sw ·

Dis omdat ras belangriker is as behoorlike keuring. Skande op skande.

Scalla ·

Polisie beampte betrokke, integriteit ontbreek, puik advertensie vir die buitelandse beleggers en toerisme

Carel ·

In ons stad is twee wit polisiemanne betrokke by die ondersoek van ‘n winkelroof deur swartes. Hulle sê dat hulle nie die eienaar kan help nie want hulle word met die dood gedreig.

Pensioenaris ·

Waar Kasselmam betrokke isis daar sukses. Wens daar was meer sulkes!! Baie geluk.

Pensioenaris ·

Baie geluk Kasselmans! Sukses keer op keer – danksy tougewyde en opgeleide personeel.

Alida ·

Kasselman vat nie nonsense nie. Hy is opgelei en bekwaam vir die werk wat hy doen. Dankie!!!

Johann Marx ·

Nie genoeg geld om Teazers toe te gaan nie, nou gaan hulle maar tronk toe om strip-shows te kyk!!

andrea van vuren ·

Banaal! Hulle steel en roof om tronk toe te gaan waar hulle lekker warm slaap, ‘n dak oor die kop het, rekenaar opleiding kry KFC kan eet totdat hulle dik is! Lekker man!

Tammy ·

Baie goed gese Johann Marx, ek het behoorlik gele soos ek gelag het vir jou kommentaar.
Ja die DKD se naam is met n plank geslaan, deur die modder gesleep deur sy werknemers. Wat n vieslike besigheid. Dit kan gesien word as een van die top vernederings in die korrektiewe dienste vir die eeu. Nie net vir die jaar nie. Sies wat n skandalige besigheid.

Swartkat ·

En daar het vyfster se beampte alweer soos gewoonlik ‘n lekker dik vinger in die pie .Die base is geskors en kry duisende terwyl hulle by die huis sit en die voetsoldate help die kriminel en verdien ook dik onwettige ponde

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.