Foto’s: R700 m. se dwelms op vragskip gevind

Foto: Valke

Dwelms ter waarde van meer as R700 miljoen is op beslag gelê tydens ʼn klopjag by die Ngqura-hawe in Coega buite Port Elizabeth in die Oos-Kaap.

Die klopjag was ʼn gesamentlike operasie tussen die Valke, Interpol, misdaadintelligensie, die honde-eenheid en verskeie ander wetstoepassingsagentskappe.

Volgens brig. Hangwani Mulaudzi, woordvoerder van die Valke, is die klopjag gedoen nadat inligting van Interpol ontvang is rakende ʼn vragskip wat kokaïen van Brasilië na Suid-Afrika vervoer.

“Die vragskip is van 27 Desember af met die hulp van Interpol dopgehou. Dit is reeds vasgestel dat die vragskip by Coega sou vasmeer en dan na Singapoer sou gaan voor dit in Indië sou eindig.”

Foto: Valke

Die kokaïen was in 706 pakkies verpak in ʼn skeepsvraghouer op die vloer van die vragskip onder 3 669 ander skeepsvraghouers. “Daar is op die dwelms beslag gelê en die ondersoek duur voort.”

Lt.genl. Godfrey Lebeya, hoof van die Valke, het die ondersoekspan geloof vir die vonds. “Deur op hierdie vrag beslag te lê het ons die toevoerketting afgesny. Maar die oorlog teen dwelms is nie verlore of gewen nie. Ons sal nie toelaat dat dwelms die lewens van onskuldige mense verwoes nie.”

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Karolis

Fantastiese nuus.
Alle eer aan al die betrokke wetstoepassingsagentskappe.
Vatso al die druggies.

Johanna Botha

Nou gaan dit na die ”R” stoor …..oops daar is die helfte weg …… ????

Snuffels

Ja en nou sit my dealer sy pryse op… Ag nee man wragtig

Maggie Joubert

Well Done Valke. Stunning foto. Mag julle alle eer en bewondering kry vir 5-stêrdiens

Alida

Mooi so Valke en 10 drukkies vir die slim hond X hopenlik word die gemors onder streng toesig vernietig.