[Foto’s] Raadsvergadering eindig met skoot, bloed en glasstukke

Foto: Facebook

Foto: Facebook

’n Raadsvergadering van die Nelson Mandelabaai-metro het Donderdag geëindig met ʼn skoot wat afgevuur is en twee raadslede wat na ʼn hospitaal vervoer is.

Daar het volgens berigte ʼn onderonsie tussen ANC- en DA-raadslede ontstaan waarna glase glo gegooi is. Chaos het hierna losgebreek en ʼn bebloede Rano Kayser, burgemeesterskomiteelid vir paaie en vervoer, en ANC-raadslid Rosie Daaminds, wat flou geword het nadat die skoot geskiet is, is hospitaal toe geneem. Albei is op draagbare uit die raadsaal gestoot.

Die polisie is intussen ook ontbied. Volgens berigte is Werner Senekal, die raad se hoofsweep, met ʼn skerp voorwerp in die rug gesteek. ʼn Veiligheidswag het glo die skoot afgevuur om die situasie te probeer ontlont.

Volgens African News Agency (ANA) het die ANC beswaar aangeteken rakende ʼn item op die sogenaamde groenskrif, ʼn vertroulike dokument wat nie beskikbaar is vir die publiek nie.

Kristoff Adelbert, uitvoerende burgemeester Athol Trollip se hoof van personeel, het gesê die metro sal later ʼn verklaring oor die aangeleentheid uitreik. “Die ANC het aggressief geraak waarna ʼn spesifieke ANC-raadslid ʼn glasbeker op Kayser se kop gebreek het.”

Kapt. Sandra Janse van Rensburg, woordvoerder van die polisie, het bevestig die saak word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Jakobus

Intimidasie, geweld, brandstigting, moet voor die ANC se deur met hul afbrand voor “liberation” en die halsnoerbrande gelê word. Dit is die kultuur wat die ANC van daardie jare af in die land geskep het hoe hulle mense met hul getalle intimideer. Vandag is dit die Afrikaan se nasionale sport in die land. Kyk maar ook oral waar daar betogings is, studente.

Uys

Hier is vandag meer geweld, bloed en traangas in ons stadsrade as 94 toe die blanke vreedsaam fie leisels oorgegee het
Die anc wil nie verstaan dat die mense na Augustus se verkiessing hul stem dik gemaak het nie.

Kobus

Hierdie is nou ons leiers wat ons land moet regeer en n voorbeeld wees, weet hierdie mense hoe belaglik hulle hulself maak, ek kan sien dat die anc uiteindelik dood loop , hou aan bid vir die val van hierdie goddelose regering, Vrede in ons Vader, God !!

Belaglik

Amen…

Yolande

Kobus, ek kan maar net Amen se op jou kommentaar.