Foto’s: Ramaphosa, Mkhize kry Covid-19-inenting

Pres. Cyril Ramaphosa kry die Covid-19-inenting. (Foto: Siyabulela Duda/ GCIS)

Pres. Cyril Ramaphosa het Woensdag eerste in die ry gestaan om die Johnson & Johnson-entstof teen Covid-19 te ontvang.

Ramaphosa en dr. Zweli Mkhize, minister van gesondheid, is saam met ’n groep gesondheidswerkers by die Khayelitsha-hospitaal in Kaapstad, Wes-Kaap, ingeënt.

Inentings het by verskillende hospitale reg oor die land plaasgevind.

Dr Nomathemba Mokgethi, Gauteng se LUR van gesondheid, was die eerste om in dié provinsie teen Covid-19 ingeënt te word. Mokgethi het haar inenting by die Chris Hani Baragwanath-hospitaal in Johannesburg ontvang. Sy het later saam met die premier van Gauteng, David Makhura, besoek afgelê by die Steve Biko-hospitaal in Pretoria waar die eerste gesondheidswerkers van dié hospitaal ingeënt is.

Dr. Zweli Mkhize kry die Covid-19-inenting by die Khayelitsha distrikshospitaal in die Wes-Kaap. (Foto: Siyabulela Duda/GCIS)

Dr. Onnica Khobo Mpe, ’n narkotiseur by Steve Biko, was een van die eerste gesondheidswerkers om teen Covid-19 ingeënt te word. Sy het albei haar ouers weens die virus aan die dood afgestaan. Sy het gesê sy is opgewonde om die entstof te ontvang. “Ek dink dit is goed dat die entstof hier is. Suid-Afrikaners moet die geleentheid gegun word om die entstof te ontvang. Ons as gesondheidswerkers moet voor loop en aan ons mense wys dat dit veilig is om die entstof te ontvang en te wag vir die resultate wat sal bevestig dat die entstof werk en lewens kan red.”

Inentings word in die linkerboarm toegedien nadat die pasiënt sy of haar goedkeuring gegee het om die entstof te ontvang. Pasiënte word 15 minute ná die toediening van die enstof waargeneem om te verseker dat die enstof geen onmiddellike newe-effekte tot gevolg het nie.

Suid-Afrikaners wat die Johnson & Johnson-entstof ontvnag, hoef slegs een keer ingespuit te word.

Dr. Onnica Khobo Mpe, ’n narkotiseur by Steve Biko, word teen Covid-19 ingeënt. (Foto: Tania Heyns/Maroela Media)

Mpe het ná haar inenting gesê dit het nes ’n gewone inspuiting gevoel en dat sy hoegenaamd nie sleg of selfs anders voel nie.

Dr. Mathabo Mathebula, uitvoerende hoof van Steve Biko, en prof. Veronica Ueckermann, hoof van aansteeklike siektes by dié hospitaal, het ook vanmiddag die enstof ontvang. Ueckermann het aan Maroela Media gesê sy is “verheug” om die entstof te ontvang. Sy het geen newe-effekte getoon nadat sy ingeënt is nie.

“Ek dink voorkoming is in dié stadium ons enigste kans aangesien daar geen beslissende geneesmiddel is nie. Ek dink die data vir die Johnson & Johnson-entstof lyk goed. Ek dink voorkoming is wat ons nodig het om deur hierdie pandemie te kom en die kurwe af te plat.”

David Makhura en dr. Onnica Khobo Mpe voor haar inenting. (Foto: Tania Heyns/Maroela Media)

Makhura het tydens vanmiddag se besoek aan Steve Biko gesê die enstof is ’n spelwisselaar in die stryd teen Covid-19. Die premier is egter self nie ingeënt nie. Die rede hiervoor, volgens hom, is omdat hy nie ’n gesondheidswerker is nie. “Die res van ons moet ons beurt afwag. Ek is een van die wat entoesiasties in die ry wag.”

Volgens Makhura het Gauteng 16 800 van die 80 000 dossisse van die Johnson & Johnson-entstof ontvang. Altesaam 5 700 van dié dossisse is intussen versprei na Steve Biko-hospitaal en die res na Chris Hani Baragwanath-hospitaal.

Hoewel daar nie in dié stadium genoeg dossisse is om al 215 000 gesondheidswerkers in Gauteng in te ent nie, beoog die provinsiale wetgewer om alle gesondheidswerkers in die provinsie tydens die eerste fase van die regering se entstofplan teen Covid-19-in te ent.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
Michal

It’s show time

gatgogga

Nie een van hulle is my rolmodel nie.

Chris dupreez

Hulle moet eerder met “praat bietjie die waarheid ” entstof ingespuit word

Anel

Kan maar net lag. Hoekom 15 min wag? So eintlik is hulle nie seker of daar newe efekte is nie. Wat gaan hulle doen as ‘n persoon newe efekte toon? Hou maar verby, dankie.

Frederik C

Gehoor gesondheidswerkers gaan 1ste ingeënt word ??