[Foto’s] Rustenburg-juffrou erg aangerand tydens uur lange ontvoeringsdrama

Marlene Hurford in die hospitaal. Foto: Verskaf

Marlene Hurford in die hospitaal. Foto: Verskaf

Waarskuwing: Die foto onderaan die berig is grafies van aard en mag sensitiewe lesers ontstel.

ʼn Onderwyseres van Rustenburg in Noordwes en ʼn vriend is Woensdagmiddag erg aangerand tydens ʼn kapingsvoorval wat nagenoeg ʼn uur lank geduur het.

Barend Hurford (28), die gr. 3-onderwyseres Marlene Hurford (40) se stiefseun, het Donderdag aan Maroela Media gesê Marlene het tydens die voorval ernstige beserings aan haar gesig opgedoen en haar vriend, Grant Short, in sy laat 40’s, is nagenoeg 20 keer met ʼn yspen gesteek.

“My ouers woon op ʼn plaas in die Kroondal-omgewing buite Rustenburg. My ma ry daagliks met my pa se bakkie na die dorp om skool te gee, terwyl my pa op die plaas bly,” het Hurford gesê.

Hy verduidelik dat Marlene elke oggend haar kleindogter by ʼn plaaslike kleuterskool aflaai en weer oplaai as sy in die middae terugkeer huis toe.

“Die bakkie het gistermiddag naby Hyperslaghuis in Proteapark onklaar geraak. Aangesien my pa sonder vervoer op die plaas sit, het sy vir Grant gebel om haar te kom help. Hulle het toe die bakkie daar gelos en was in Grant se bakkie op pad om my susterskind by die kleuterskool te gaan oplaai toe drie mans by die T-aansluiting, buite die begraafplaas, agterop Grant se bakkie gespring het.”

Die mans het die yspen teen Grant se nek gehou en hom gedwing om na Rustenburgkloof, sowat 5 km daarvandaan, te ry.

“Daar naby het hulle my stiefma aangerand en aangedring op haar selfoon, juwele en kontant. Sy het egter geen kontant by haar gehad nie, waarna hulle haar nog meer geslaan het. Hulle het haar daar gelos en Grant beveel om kilometers verder aan te ry. Hulle het hom iewers langs die pad uit sy bakkie gegooi nadat hulle hom nagenoeg 20 keer met die yspen oor sy hele lyf gesteek het. Hulle is weg met my stiefma se besittings en Grant se bakkie, die geld wat daarin was, en sy selfoon en juwele.”

Marlene het intussen na die pad gestap waar sy hulp van verbygaande motoriste probeer kry het. “Baie motors het net verbygery sonder om te help, voordat twee ouerige ooms uiteindelik stilgehou het.”

Marlene is na die ongevalle-eenheid van die Life Peglerae-hospitaal gehaas. Haar een oog is toegeswel en haar oogbank gekraak. Haar wang- en kakebeen is ook beseer en haar neus bloei aanhoudend. Sy wou nie in die hospitaal opgeneem word nie en het verkies om huis toe te gaan om daar aan te sterk.

Motoriste het ook tot Grant se redding gekom. “Hy het ʼn pasaangeër en hulle het dit met millimeters gemis. Hulle het hom ook in die rug gesteek en vir sy rugwerwel gemik, maar dit is ook met millimeters gemis, anders was hy dalk verlam.”

Grant is ook na die Peglerae-hospitaal geneem waar hy steke ontvang het. Hy is later die aand ontslaan en is daarna na die Rustenburg-polisie om die voorval aan te meld. Hy sterk ook by die huis aan.

Na wat verneem word, is Grant se bakkie nog nie opgespoor nie en niemand in verband met die voorval in hegtenis geneem nie.

Waarskuwing: Die foto wat volg is grafies van aard en mag sensitiewe lesers ontstel.

Marlene se bebloede beursie. Sy is erg aangerand aangesien sy nie geld daarin gehad het nie. Foto: Verskaf

Marlene se bebloede beursie. Sy is erg aangerand aangesien sy nie geld daarin gehad het nie. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

96 Kommentare

jongste oudste gewildste
Van

…..!

Denise

Dit is skokkend ek het nie woorde ek is siek van al die moorde verkragtings, aanradings ,kapings inbrake teen ons wit mense dit raak nou net T ERG. Sterkte aan die man en vrou en familie!!!!

Ruby

Waar is die EFF nou?

Elize

Goeie genade, waarheen is ons land oppad!!! Kan die regering se oogklappe asb tog net af val. Niemand is meer veilig. Sterkte aan die betrokke persone wat beseer is.

LS

SIEK !!! SIEK !!! SIEK !!!
Sterkte aan julle!