Foto’s: Solidariteit stel nuwe Sol-Tech-fasiliteite van miljoene rande bekend

Foto: Reint Dykema

Foto: Reint Dykema

Die vakbond Solidariteit het vandag nuwe fasiliteite van sy private tegniese kollege, Sol-Tech, bekendgestel.

Die nuwe geboue en toerusting maak van Sol-Tech nou een van die bes toegeruste tegniese kolleges in Suid-Afrika. Dr. Theuns Eloff, voormalige visekanselier van die Noordwes-Universiteit, het as spreker opgetree en gesê internasionale navorsing bewys dat Solidariteit op die regte pad is om opleiding in Afrikaans te verskaf.

Dr. Eloff het voorts gesê hy is beïndruk met die aantal studente wat Sol-Tech, die enigste tegniese kollege in Suid-Afrika met Afrikaans as voertaal, oplei. Sol-Tech, met sowat 1 000 voornemende ambagslui in sy opleidingspyplyn, is nie net een van die grootste tegniese kolleges in Suid-Afrika nie, maar met sy 96%-slaagsyfer boonop een van die beste.

Solidariteit het oor die afgelope aantal jare reeds sowat R34 miljoen in die aankoop van toerusting vir Sol-Tech belê. Die nuwe fasiliteite van Sol-Tech is een deel van ʼn R400 miljoen-opleidingsprojek van Solidariteit.

“Ons glo opleiding is een van die beste maniere om werknemers in Suid-Afrika – en oral ter wêreld – te beskerm. Vakbonde se nuwe rol in die inligtingsera is om hul lede en hul lede se kinders met kennis toe te rus,” het Flip Buys, voorsitter van die Solidariteit Beweging gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
HEVW

Voorwaar n saak om op trots te wees. My beste wense en baie,baie dankie!!!!!!!!!

Zelna Wassenaar

Dis so wonderlik om te sien wat julle doen en bereik! Baie dankie daarvoor. My seun studeer tAns aan n FET kollege en alles is in engels en daar word van hulle punte weggevat deur die departement agv weet nie wat en dit het die gevolg dat my seun sy N1 gepluk het en dit nou moet oordoen. Ek wens so iemand kan ons raad gee en bystaan in die verband. Dit voel so of mens nerens kom vandag se dae en dit maak die tieners baie negatief

Madelene Schutte

Fantasties!!! Het so ruk terug vir Dirk Herman op Radio gehoor praat ook oor SA se Ekonomiese probleme en OPLOSSINGS. Ek stem 100% saam met hom, maar SOOS GEWOONLIK WORD ONS AFR, en VERAL WIT MENSE SE STEMME, OPINIES EN SOMMER ONS LEWENS OOK GEIGNOREER DEUR DIE TANS ANC Government. Maar MOENIE VREES NIE, GOD IS IN BEHEER. Die PROJEK is OOK BEWYS DAARVAN. MOOI SO SOLIDARITEIT MANNE, HOU SO AAN. Moeder Madelene

Mike Erasmus

My seun studeer by ‘n kollege in Wes Kaap, maar party van die mense wat veronderstel is om klas te gee ken glad nie eers die vak gebied. Werklik onkundig. Dit het gevolg dat hy sy wiskunde moet herskryf. Maar daar is ook weer ander wat uitstekend is in hulle vakgebied. Daar presteer hy weer uitstekend. Ek probeer hom motiveer en ondersteun om te volhard in alles wat hy doen. Hy geniet egter die praktiese klasse en doen uitstekend. Wens ek kon hom na so instelling soos Sol-Tech stuur. Dan sal hy presteer soos ‘n eersteklas student.

Jurie Kotze

Ag dis wonderlik !! Ek kry sommer hoendervleis om te dink daar is wel weer iets soos vroeer tye se “Atlas Aircraft” vliegtuig opleidingskool,of soos ons gese het “Appy skool”.Ons ouer manne het gedink dis maar iets wat verlore is vir ons kinders verder aan en jou waarlik daar is weer herlewing, Wonderlik en aan al die jongmanne (en meisies as hulle ook daar is), Byt vas en werk hard,daar is niks wat jou sal onderkry later nie !!! Beste wense vir die toekoms !!