[Foto’s] Stappe kom oor rassistiese graffiti

Foto: UWK

Foto: UWK

Die Universiteit van Wes-Kaapland (UWK) het gesê hy is gewalg van rassistiese graffiti en haatspraak wat op die kampus aangebring is.

Die UWK se bestuur het in ʼn verklaring gesê die graffiti is vermoedelik in die loop van Donderdagaand aangebring. “Geen poging om ons eenheid te bedreig, deur onenigheid onder ons studente en personeel aan te hits op grond van ras, sal geduld word.”

Die bestuur het ʼn beroep op die universiteitsgemeenskap gedoen om die rassistiese uitlatings ten sterkste te veroordeel. “Ons ondersoek die saak en sodra die skuldiges geëien is, sal daar toepaslike stappe teen hulle gedoen word.”

Werkers en studente het die afgelope twee weke by die universiteit betoog. Talle klasse is die afgelope week ontwrig en personeel en studente wat nie aan die betogings deelgeneem het nie, is geïntimideer.

Die universiteit het intussen ʼn bykomende hofbevel bekom wat die betogende werkers en studente verhoed om die akademiese program te ontwrig.

“Die hofbevel magtig die polisie om in te gryp en die universiteit by te staan. Die hofbevel is reeds op die betogers beteken en verduidelik.”

Volgens UWK is ʼn vergadering met die betogende werkers en studente belê vir Donderdag, maar die betogings het desondanks voortgeduur. Die betogers het onder meer universiteitseiendom beskadig. “Veiligheidspersoneel en die polisie moes weens hierdie optrede deur die betogers ingryp en dit het tot skermutselings gelei.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
shirley

Skokkend!!!! Hulle moet defnetief n led geleer word as dit so aangaan is daar binnekort niks van die land oor nice!!!!!

François

Wonder wie is nou éíntlik die sogenaamde rassiste?!

chrisp

As jy saam met ‘n adder in die bed klim,hom eintlik uitnooi en dan vewelkom en hy pik jou is jy skielik verbaas,geskok en verstaan nie.
Steets glo jy ,kom wat wil ek sal van hom ‘n troeteldier maak deur te verduidelik dan toe te gee. Nee wat verwyder hom of vir jouself.Jy gaan binnekort ‘n serum tekort ondervind.

Dit se baie oor jou wysheid.

Michael

Nou weet almal wie die eintlike rasiste is

Liewe lulu

Wonder watter gedeelte van die fees het geval verstaan hulle nie.