[Foto’s] Stokflou perd ná ure in swembad gered

Foto: NDBV.

Die nasionale dierebeskermingsvereniging (NDBV) en die Mangaung-nooddienste kon ná ʼn stryd van ses uur uiteindelik daarin slaag om ʼn perd, wat tot by sy nek onder water was, uit ʼn swembad te red.

Sr.insp. Reinet Meyer, woordvoerder van die NDBV, het gesê hulle het Woensdag ʼn oproep van die perd se eienaar gekry. “Volgens die eienaar het onwettige betreders op hul kleinhoewe die hek die vorige aand oopgelos,” het Meyer verduidelik.

Die perd het toe glo uit sy stal geloop en in die donker per ongeluk in die swembad geval. “Die eienaar het eers die volgende oggend agtergekom die perd is al heelnag in die water.”

Volgens Meyer was die perd vreesbevange en yskoud. “Ons het onmiddellik ʼn tou en harnas om hom vasgemaak en probeer oplig, maar die water was te diep en die perd te swaar.”

Die kleinhoewe is glo sedert Desember sonder elektrisiteit en kon dus nie leeggepomp word nie. Meyer het gesê ʼn “barmhartige Samaritaan” het gaan hulp soek en teruggekeer met ʼn masjien wat die water kon leegpomp.

Meyer het toe die Mangaung-nooddienste gebel.

In daardie stadium was die perd al baie moeg.

Die nooddiensbeamptes het ʼn laaigraaf saamgebring, onmiddellik in die water gespring en ʼn harnas om die perd vasgemaak. Die perd kon sodoende uitgelig en versigtig op die grond neergesit word.

Die perd is rustig teruggelei na sy stal toe en warm gemaak met komberse.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Robert ·

Bly die perd is veilig. Ek wonder maar net oor die muskiet telery…

jean ·

Wonderlike nuus na al die bittere hartseer die laaste week……

NICOLA ·

WOW WANNEER TERUG HET ONS SO WONDERLIKE NUUS GELEES. GEE MENS ‘N WARM GEVOEL DAT DAAR NOG STEEDS SOVEEL GOEIE MENSE IS !!! DANKIE AAN ALMAL WAT GEHELP HET.

Johanna Botha ·

Al die moeite en n redbull so net so goed gewerk het hehe . Dankie aan almal wat so mooi gehelp het en omgegee het.

Reinhardt ·

Het niemand daaraan gedink om intussen die water uit die swembad te skep nie?

SêNet71 ·

Dit is sommer wonderlike nuus om die Vrydag af te skop. Ek is so verlig dat die perd ongedeerd is. Dankie aan al die samaritane wat gehelp het. Julle is ieder en elk my held/in.

Billy The Kid ·

My swembad het trappe. Enige perd wat daar inval kan maar net uitstap….

Elmarie Hager ·

Dankie Here vir mense wat nog omgee…so nodig op hierdie stadium in ons land. Mag die Here een en elk seën wat betrokke was.

Charmaine ·

Arme ou perdjie het seker amper opgevries maar dankie Vader vir hulp en goeie mense dat die mooi dier gered kon word. Pragtige perd. Bly hy is veilig!!!

Elmarie Hager ·

Dankie Here vir mense wat nog omgee….so nodig op hiersie stadium in ons land.

WILMA ·

As jy sien hoe lyk die swembad water kan hulle maar gerus die swembad leeg pomp duidelik word daar nie geswem broei nes vir muskiete.

Ouvrou ·

Help nie iemand help om swembad skoon te kry nie. Daar is nie krag om die pomp te werk nie. As daar nie krag is nie is daar def nie geld vir chloor nie. ??

ImapoetandIdon'tevenknowit ·

Ouvrou….verkoop die perd. Betaal jou kragrekening en koop chloor…..en as bonus is daar nie ‘n perd wat in jou swembad kan val nie.

Hoera vir ou Wolraad, Wolraad Woltemade
Ou Wolraad het probeer om die mense te red
Maar sy swembad was te groen
En sy perd was te vet.

Johann Marx ·

Die perd het nie per ongeluk in die swembad geval nie….hy wou daar gaan wei.

johann ·

Die perd het gedink dis n lekker lappie gras as mens na die alge op die waqter kyk

amelia ·

Niemand vra hoekom is daar nie elektrisiteit nie? Dalk is kabels gesteel en nog nie vervang nie. Dalk nie die eienaar se skuld nie.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.