[Foto’s] Talle militêre voertuie vat vlam

Die voertuie wat beskadig is. Foto: Verskaf

ʼn Interne ondersoek is deur die weermag van stapel gestuur nadat altesaam 83 militêre voertuie verlede week noord van Pretoria in ʼn brand beskadig is.

Brig.genl. Mafi Mgobozi, woordvoerder van die weermag, het gesê die brand het Woensdag by die voertuigdepot by die Wallmansthal-basis uitgebreek.

“Die eenheid se brandweer was besig met voorbrande om die basis toe sterk winde die vlamme buite beheer laat raak het,” het Mgobozi gesê.

Die voertuie wat beskadig is, is hoofsaaklik vragmotors wat nie meer in gebruik was nie. Die presiese omvang van die skade kan eers bevestig word as die ondersoek afgehandel is.

Die weermag hou Woensdagoggend ʼn media-ontbyt om verskeie kwessies in die weermag te bespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
SjN

Waarvoor n media ontbyt, die rede is bekend, hul het seker nie geweet dat jy manne en grawe gebruik om n brandstrook skoon te skoffel nie.

Lollie

As die weermag se brandweer soveel skade kon aanrig dan wonder ek in watse goeie hande is ons veiligheid met dié weermag!

Denise

“Too many chiefs too little soldiers….” Niemand wil meer skoffel nie….! Almal wil vandag net “in charge” wees!

Aubrey Vermaak

Ai dis jammer. In my weermag dae het ek dit geniet om met hulle te ry. Hulle was sterk en onbreekbaar. Nou is n deel van ons ou geskiedenis ook daarmee heen. Tog nie eintlik skade nie daar is tog nie meer werk vir hulle nie. Rus in vrede ou grotes- julle het julle deel gedoen.

Niccy

O genade nou moet die ingevoerde Diesel werktuigkundiges seker teruggestuur word… nie meer werk vir hulle nie…As mens so kyk na die rye en rye onklaar voertuie, lyk dit in elk geval nie of hul sogenaamde kundigheid gehelp het nie. Wat ‘n jammerte SA!!