Foto’s: Talle vragmotors op N3 gebrand

(Foto: Twitter)

Nege vragmotors met sleepwaens het Donderdagaand in die omgewing van Heidelberg in Gauteng aan die brand geraak nadat boosdoeners paaie versper en die voertuie glo met petrolbomme bestook het.

Kapt. Mavela Masondo, polisiewoordvoerder, sê ’n wit Toyota Quantum en swart Volkswagen het omstreeks 20:30 paaie versper waarna petrolbomme glo na vragmotors gegooi is.

Sewe vragmotors op die N3 tussen Heidelberg en Vosloorus en twee vragmotors op die R103 is aan die brand gesteek.

(Foto: Twitter)

Die motief vir die voorval is in dié stadium onduidelik.

’n Saak van kwaadwillige saakbeskadiging word ondersoek.

Patricia Rampota, waarnemende provinsiale polisiekommissaris, het versoek dat die polisie alle nodige hulpbronne inspan om die boosdoeners vas te trek.

Enigiemand met inligting rakende die voorval word versoek om die naaste polisiestasie of Stop Misdaad by 08600 10111 in kennis te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Smurf

Terrorisme…

Alta Alleman

Welkom in Suid Afrika.

Persheks Adri

Kwaadwillige saakbeskadiging? Nee ek dink dis terrorisme met die doel om dood te maak. Ons weet natuurlik van wie af dit kom pffft!

Nioleen

Your people cr!!!!!!!!!!

Renier johannes

Niks snaaks nie die land word so rigeer