[Foto’s] Taxi veroorsaak glo blouligbrigade-botsing

Drie voertuie in ʼn blouligbrigade het Donderdagoggend op die M1-snelweg noord van Johannesburg gebots.

Brig. Vishnu Naidoo, nasionale polisiewoordvoerder, het gesê die botsing het omstreeks 05:40 op die M1-suid naby die Marlboro-afrit plaasgevind.

“ʼn Polisiekonvooi was op pad om ʼn belangrike persoon te gaan oplaai. Daar was geen belangrike persoon in een van die voertuie toe die botsing plaasgevind het nie en geen private voertuig was betrokke nie,” het Naidoo gesê.

Naidoo het gesê die konvooi was in die vinnige baan van die snelweg toe ʼn minibustaxi skielik voor die konvooi ingedraai het. “Dit het veroorsaak dat die voorste bestuurder skielik moes rem, waarna die ander voertuie gebots het.”

Een beampte is in die botsing beseer en per ambulans na ’n nabygeleë hospitaal geneem. Die omvang van haar beserings in nog nie bekend nie.

Die botsing het verkeer tussen Midrand en Johannesburg erg ontwrig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Leahim

Dit is goeie nuus ek kon nog nooit die nut sien vir tien swart vinnige karre om so vinning moontlik in die verkeer te jaag nie en die publiek se lewens in gevaar te stel net om een ou wat nie kan beplan iewers te kry nie.

Nadia

Dit is mos maar wat gebeur as jy 140km/h ry met geen volgafstand nie..

Haha

Haha!!! Lag ek net so lekker. Nee wat kry vir julle. Ek ry daagliks op die besige N4 na Swaziland grens en menige keer moet ek my gevaarligte aansit of my kattebak oopmaak sodat hul kan parkeer. Kan mos nie afstand skat nie. Wat van op ‘n hoe spoed drie karre tussenin. Regte spoed van 120km 2karre veral omrede jy met sulkes die pad deel. Weereens haha maar wie gaan opdok die belastingbetalers gelukkig sluit dit hulle in.

Haan

Kyk ek verafsku die goed nes enige ander burger, maar daardie minibus bestuurder is vandag my held!

Hennie

Kyk in die eerste plek. Hoekom jaag as daar geen persoon wat “belangrik”is nie in die voertuig is nie? Tweede plek. Hoekom padreels breek veral daai tyd van die oggend? Hulle is niks beter as ons siviele mense nie. Derde plek. As dit so aangaan gaan ons belasting nog hoer wees want ons betaal daai voertuie!! Ek is maar net n aasvoel maar ek betaal tax en daai is net n mors van geld.