[Foto’s] Tien vas vir onwettige visvang

Foto: Verskaf

Foto: Verskaf

Tien mans is Vrydag in hegtenis geneem vir onwettige visvang, nadat vis ter waarde van miljoene rande in hul besit gevind is.

Kapt. Dineo Sekgotodi, woordvoerder van die Valke, het gesê die verdagtes, tussen 29 en 40 jaar oud, is naby Witbank in Mpumalanga in hegtenis geneem.

“Die Valke en lede van die polisie se misdaad intelligensie-eenheid het inligting ontvang oor die verdagtes se beweerde onwettige bedrywighede. Hulle is in hegtenis geneem terwyl hulle sakke met rou vis vervoer het. Die waarde van die vis word op sowat R4 miljoen geskat.”

Volgens Sekgotodi is onder meer op geelvis, karp en babers beslag gelê. Vyf van die verdagtes is Suid-Afrikaners en die ander vyf van Mosambiek. Die verdagtes sal na verwagting Maandag in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

27 Kommentare

Uys ·

Daar is n verskil tussen visvang en visstroop.
Hul is stropers nie vissers nie.
Vissers gooi visse terug wat nie pan size is nie.

Neil ·

Ek stem saam, hulle is stropers. Wonder waarheen was hulle oppad met die vis en waar het hulle die vis gevang.

Lance ·

Eerste mense gevang in 20 jaar ….die Chinese stroop ook met hulle bote ons kuswaters ….hulle was ook gevang n ruk terug …maar het weggekom die oomblik toe ons polisie hulle rug draai ….hoe pateties tog !

KarooKlong ·

Lance, ek onthou die Kuswag wat betrokke was. Nie die Polisie nie.

Frederik ·

Huisie by die see…………………….in Witbank !!

Die duh ·

Wie se skuld is die ??? Zuma het mos die grense oop gemaak .

Jan britz ·

Sak Sarel. 4 miljoen rand se vis in n paar streepsakke! Wie is die waardeerder? Kan hy nie asb my plaas kom waardeer nie?

Ekwilibrium ·

Ja-nee wragtie. Tensy geelvisskubbe as goud beskou word…

Ekke ·

Jan, as hulle jou plaas moet kom waardeer, sal dit minder werd wees as n sent….die forhelle soek mos oral grond om te kom plak…

snoefie ·

hulle sou n vet slag geslaan het deur die vis aan die vleishonger mosambiekers te smous.

Phillip Lazenby ·

Eerstens, meeste van die vis lyk na big-head Chinese Karp wat n indringer spesie is, hopelik dit gevang in Arabie dam by Marble Hall….baie geluk daarmee stropers.
Tweedens, daai vrot vis is nou duurder as kreef
Derdens….moenie alles glo wat die Hawks wat nou ewe skielik ontwaak na n lang stilte oor vertel nie…Maroela Media maak eers bietjie seker van julle feite voor julle sulke snert plaas…..

john samuel ·

En so word die natuurlike bronne uitgewis en verwoes in die naam van “voer die massas”…. Tragies……

Wouter ·

Dit is geelvis karp en baber nie perlemoen of kreef nie. Seker R4 000 defnitief nie 4mil rand nie. Seker Zim $.

Manie ·

4 mil rand se vis. Hulle weet nie waarvan hulle praat nie. Dit is definitief nie blou tuna’s nie. Of hulla kan nie syfers maak nie

Jan maak n plan ·

Ek sal in elkgeval nie van daai riool water vis wil eet nie. Daar is deesdae min damme en riviere wat nie n rioolplaas in het nie. Laat hulle maar hulle vissies eet.

Tammy ·

Is dit nie onwettig om varswater vis te verkoop nie? Hier in die Vaaldriehoek is hope witmense wat varswater vis vang en dit verkoop. Sommige is so gulsig hulle voer n bestaan daaruit en daar is van hulle wat nogal aan n HENGELKLUB behoort ne……… Dis n skande, daar gaan niks vir die nageslag oorbly nie. In die verlede (oudae) het dit ook gebeur maar op n baie kleiner skaal. Sit die mense in die tronk wat varwater visse so uitroei, of hulle een vis of een duisend verkoop dit bly in saak van uitwissing!

vermeende ·

Help ons tog met die klomp beskermers van ons wette en reg.
Daai nette wat gebruik was is onwettig in SA en die grote van die visse maar nie die visse self nie.
Hoekom is die nette nie oop gegooi en getel nie?

Weskaap ·

Klink of nommer een die beraaming kon doen? twenteee hunderd mieljoen thousend elven and three Rant…….

rr ·

So ń ruk terug op kyk-net het hul gewys hoe ons damme gestroop word en vis met nette gevang word.

Peet J ·

Ek hoop nie die Polisie gaan die vis vernietig nie. Stel voor dat hulle dit in ‘n koeltrok laai en vir die honger Mosambiekers gaan gee of aan inrigtings
hier by ons skenk. Ek sien gereeld mense langs die pad wat vis braai en sodoende ‘n inkomste verkry. Die visse is vir al die aardsbewoners nie net vir hengelklubs nie .

brenda ·

Genugtig…..is daai visse nou n beskermde spesie vis?? die goed teel soos rotte….die mense is honger; belaglike situasie in die land!

Pateties man! ·

Wel as ek moet betaal om te gaan visvang of dit nou karp baber of krurper is en die helle wat net met n net alles onwettig stroop hoekom sal ek dan wil betaal om te hengel en dit sluit Baars en Karp in jul so wyses huh??? Dieselfde gebeur al vir n lang tyd in klipvoor dam ….jy betaal maar nie vir waarde nie want als word ” gepoach” daar en soveel ander plekke onder sogenaamde natuur bewaring parke wat dieselfde gebeur wat n skande…….regtig, dink jul ons is so dom!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.