ʼn Stormstelsel oor Carolina in Mpumalanga het glo Vrydagoggend ʼn skouspelagtige tornado veroorsaak.
Cas en Marie Joubert was by die Nooitgedachtdam toe hulle die tornado gesien en afgeneem het. Hul seun Nico het dit op sosiale media gelaai.
Elizabeth Webster, ʼn weervoorspeller van die Suid-Afrikaanse weerdiens in Pretoria, het aan Maroela Media gesê hulle het berigte van die tornado ontvang, maar kan nie bevestig of daar wel een was nie, aangesien hul radar nie so ver strek nie.
“Ons kan wel bevestig dat daar ʼn stormstelsel in die betrokke gebied voorgekom en sedertdien in kleiner stelsels opgebreek het,” het sy gesê.
Daar is ʼn 60% kans vir donderbuie in die omgewing.
Het jy ook kiekies van die tornado? Stuur dit gerus vir ons na [email protected]
Was al die jare bly om in Suid-Afrika te woon sonder Aardbewings en Tornado’s – blyk my daardie dae is verby :)
Wow… dis awesome, maar bad!
was daar enige teken dat tornado enige grond verwoesting veroorsaak het