Foto’s: Trok ploeg deur motors in parkeerterrein

Een persoon is beseer en talle motors beskadig toe ʼn vragmotor Vrydag in motors in ʼn parkeerterrein in Tableview ingeploeg het.

Russel Meiring, woordvoerder van ER24, het gesê die vragmotor het vermoedelik teen ʼn motor in die straat, by ʼn oorgang by Blaauwbergweg, gebots wat veroorsaak het dat die bestuurder beheer verloor het en teen die motors in die parkeerterrein vasgery het.

Een persoon het matige beserings opgedoen en is na ʼn nabygeleë hospitaal geneem. Elf voertuie is in die voorval beskadig, het Meiring gesê.

Die plaaslike polisie was op die toneel om die voorval te ondersoek.