Foto’s verskaf
Twee mense is Donderdag in Brandfort in die Vrystaat dood en ʼn man kritiek beseer nadat twee voertuie mekaar reg van voor getref het.
Santi Steinmann, ʼn woordvoerder van Netcare 911, het gesê die ongeluk het sowat 5km buite Brandfort plaasgevind. “Twee mense was reeds dood toe paramedici by die toneel opgedaag het. Die man wat kritieke beserings opgedoen het, is met ʼn helikopter na ʼn nabygeleë hospitaal geneem vir verdere behandeling.”
Die pad was vir ʼn geruime tyd vir verkeer gesluit terwyl die toneel opgeruim en ondersoek is.
TROMP-OP, nie trompop nie.
Dagsê Trippie
Ons kan bevestig dit is wel ‘n “trompop botsing”.
Groetnis
Suné
nms Maroela Media
Goeie more Suné – baie dankie vir jou terugvoer.
Dan volstaan ons daarmee. Ek was net onder die indruk “trompop” verwys na die jong dametjies wat by sportbyeenkomste, ens. optree.
My gesonde verstand sê ook dit moet tromp-op wees. Volgens die Afrikaanse spelreëls deel mens die woord in lettergrepe op. Trompop: trom – pop, wat wel dan na ‘n trompoppie verwys. Ek dink julle moet die HAT naslaan, dit sal ook bevestig dat dit tromp-op moet wees.
Haai Trippie en Jas
Volgens die HAT: ‘n Trompop botsing, botsing reg van voor.
Vriendelike groete
Nico
nms Maroela Media
Hallo Nico. Ek het ook in my HAT gaan kyk. Tromp-op moet ‘n koppelteken in hê.
Groetnis
Ongelukke op die pad word al erger,mense gee nie meer om oor spoed of om dood te gaan nie. Jy wat ordentlik bestuur word gevloek deur ander wat net glo aan spoed.