Foto: ER24
Twee mense is dood en minstens 15 beseer nadat ʼn tydelike brug by die Grayston-afrit op die M1-snelweg in Sandton ineengestort het.
Chris Botha, woordvoerder van Netcare 911, het gesê volgens ooggetuies is talle mense in die proses vasgekeer. Volgens Botha is een mens op die toneel dood verklaar terwyl nog een intussen dood is en vyf mense kritieke beserings opgedoen het.
Botha het gesê van die beseerdes is op die toneel behandel voordat hulle na nabygeleë hospitale vervoer is vir verdere mediese sorg. “Van die beseerde mense is steeds onder die puin vasgekeer en pogings is aan die gang om hulle te bevry.”
Dit is intussen nog nie duidelik of die brug op enige motors geval het en of dit konstruksiewerkers is wat in die puin vasgekeer is nie. Die oorsaak van die ongeluk word ondersoek. Verkeer is intussen erg ontwrig nadat die snelweg in albei rigtings gesluit is.
-
- Foto: Netcare 911
-
- Foto: Netcare 911
-
- Foto: Netcare 911
-
- Foto: ER24
-
- Foto: Facebook
-
- Foto: ER24
-
- Foto: ER24
-
- Foto: ER24
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
19 Kommentare
Ons moet regtig almal nou vir daardie mense onder die brug seer gekry het en die wat hulle lewe verloor het bid. Wat n vreeslike dag vir families van hierdie mense.
RSA is nou op die vlak van agter Indie. Wat n skande vir n land wat eens beskaaf was
die produk van BEE
Nog n goeie storie om te vertel
Ongelukke gebeur. Die konstruksiebedryf word streng beheer. Die ongelukke gebeur oral in die wêreld. Die kontrakteur en ingenieur gaan verseker rekenskap gee maar dit sal nie help om ongegronde stellings te maak nie.