[Foto’s] Twee dood toe motorfietse trompop bots

Een van die motorfietse se wrak. Foto: Netcare 911

Een van die motorfietse se wrak. Foto: Netcare 911

Twee motorfietsryers, albei vermoedelik in hul 40’s, is Saterdag dood toe hul motorfietse mekaar reg van voor buite Bloemfontein getref het.

Paramedici van Netcare 911 en ER24 is onder meer om 14:00 na die toneel op die R706- (Ou Kimberley-) pad tussen Bloemfontein en Dealesville ontbied.

“Inligting vanaf die toneel dui daarop dat een motorfietsryer om ʼn draai gegaan het toe hy ʼn ander motorfietsryer reg van voor getref het. Die presiese omstandighede rakende die ongeluk sal egter deel vorm van ʼn polisieondersoek,” het Botha gesê.

Botha het gesê die motorfietse se wrakke het gebrand toe paramedici by die toneel opgedaag het. “Stukke van die wrakke het oor ʼn groot gebied gelê wat ʼn aanduiding is van ʼn botsing met ’n hoë impak.”

Hy het gesê albei motorfietsryers is op slag dood en op die toneel dood verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

51 Kommentare

jongste oudste gewildste
AL

N Motorfiets bied geen beskerming. Ek hou nie vd goed nie.

willie

Spoed en moontlik alkol ook, ai so onnodig!

~~biker~~

Sjoe, maar biking IS nogal gevaarlik.
Hulle bots partykeer nogal kop aan kop teen mekaar ook. Lelik.
Taxi ry is baaaaie veiliger.
Sjoe ouens, julle moes vinnig gery dat dit gebeur het.

Lioni

R.I.V mag Gog saam julle famielies wees en mag Hy saam die manne wees wat saam gery het en die toneel gesien het…..ons dink aan julle!!!

Johan

Dit is nou ń frats ongeluk dink dis 1000/1 dat dit gebeur,