[Foto’s] Twee passasierstreine bots

Twee treine het tussen Pretoria en Johannesburg gebots. Foto: @EMER_G_MED /Twitter

Twee treine het tussen Pretoria en Johannesburg gebots. Foto: @EMER_G_MED /Twitter

Minstens een persoon is dood en sowat 100 mense beseer toe twee passasierstreine Maandagmiddag tussen Pretoria en Johannesburg gebots het.

Russel Meiring, woordvoerder van ER24, het gesê die botsing het op die Tembisa-spoorlyn naby die Kaalfontein-stasie in Tembisa, oos van Midrand, plaasgevind.

“Die twee treine het mekaar reg van voor getref. Verskeie nooddienste en reddingspanne is na die toneel ontbied om die mense te behandel,” het Meiring gesê.

ʼn Man se liggaam is in een van die treinwrakke aangetref. Niks kon vir hom gedoen word nie en hy is op die toneel dood verklaar.

ʼn Gebied is ingerig waar beseerdes behandel word. Volgens Meiring strek die beserings van gering tot matig.

Nooddienswerkers is steeds op die toneel om na die beseerdes om te sien. Die voorval word ondersoek.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Oosie

Wanneer gaan hierdie ouens leer? Hulle maak gebruik van ‘n stelsel waar jy op ‘n groot skerm die beweging van treine beheer en jy kan baie maklik sien as jy op ‘n ramp afstuur en bloot die wissels verander sodat die treine op ‘n ander spoor inbeweeg, of die krag onderbreek, of behheer neem en die treine stop. Iemand het gesit en slaap, of die stelsel werk nie meer nie agv ‘n gebrek aan opgeleide personeel, of het tot niet gegaan agv geen instandhouding.

KLEIN

Seker gedink hulle ry in `n “taxi” en dat die ander een sal padgee.

GES

Hoe is so iets moontlik? Daar is sinjaalstelsels en allerlei veiligheidsmeganismes om so ʼn ramp te voorkom. Die rekenaarkabels is seker weer gesteel…..

KLEIN

Seker gedink dit is `n ander taxi wat van voor af kom en dat dit uit sal swaai .

twakkied

Wie gaan die skuld kry vir die ongeluk ??????????????????????????????apartheid want die stelsels is verouderd