Foto’s: Twee sterf in botsing langs Kaapstad-begraafplaas

Foto's: ER24

Foto’s: ER24

Twee mense is Sondag dood en vier is beseer ná ʼn botsing tussen twee voertuie naby ʼn begraafplaas in Voortrekkerweg in Kaapstad.

Werner Vermaak, ʼn woordvoerder van ER24, het gesê ʼn Toyota het ʼn sportnutsvoertuig van agter getref en die wrak van die voertuig het in ʼn begraafplaas langs die ongelukstoneel beland.

“Albei oorledenes, in hul 30’s, is op die toneel dood verklaar,” het Vermaak gesê. “Een van die slagoffers was in die wrak vasgekeer en moes deur die brandweer uitgesny word.”

Die vier beseerdes is op die toneel gestabiliseer en na nabygeleë hospitale geneem vir verdere behandeling.

Die polisie ondersoek die oorsaak van die ongeluk.

kaapstad botsing2
kaapstad botsing3

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peter Says ·

Spoed…En onkunde…Dodelik. Sterkte aan die familie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.