[Foto’s] Uitgeteerde leeus op Limpopo-plaas gevind

all days leeus 8

Die leeus wat in ‘n kommerwekkende toestand aangetref is. Foto: Via Big Cat Conservation

Diereliefhebbers en die Nasionale Dierebeskermingsvereniging (NDBV) het ingegryp om tot die redding te kom van talle uitgeteerde leeus wat op ʼn Limpopo-leeuteelplaas aangetref is.

Isabel Wentzel, senior inspekteur by die NDBV se wildbeskermingseenheid, het Vrydag aan Maroela Media gesê die eenheid het Maandag ʼn klagte ontvang en dadelik inspekteurs na die plaas naby Alldays gestuur.

“Die eienaar bedryf ʼn teel- en ʼn jagplaas en het sowat 200 leeus,” het Wentzel verduidelik. “Sommige van die leeus se toestand is glad nie na wense nie. Die diere is ondervoed met hul heupbene en ribbes wat vertoon.”

Wentzel het gesê die leeus se toestand is gelukkig nie só sleg dat hulle nie volkome sal kan herstel nie. “Ons het ʼn waarskuwing aan die eienaar uitgereik en seker gemaak dat die diere dadelik gevoer word. Die eienaar beweer hy het ʼn hartaanval gehad en was vir ʼn ruk lank in die hospitaal en kon nie na wense na die leeus omsien nie. Hy is intussen ontslaan en was tydens die inspeksie op die plaas,” het Wentzel gesê.

Die NDBV het gesê gereelde inspeksies sal op die plaas uitgevoer word om te verseker die leeus kry behoorlike voeding. As die diere se toestand nie verbeter nie sal verdere stappe gedoen word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
Soppie

Shoe..laat my n traan pik!!! Kan dit nie glo nie!!!
Hoop hulle help die leeus vinnig!!!!

tw

Hoe lank van dit n leeu om so maer te raak? Waar is ons prioriteite, as jy diere wil aanhou moet jy besef daar is n geweldige verantwoordelikheid wat op jou skouers rus, diere kan nie vir hulle self praat nie. Het simpatie met die eienaar se gesondheids probleem, maar regtig, was daar niemand wat na die diere kon omsien nie. Bedoelende as jy 200 leeus aanhou moet daar sekerlik meer as een persoon op die plaas werk dan nie?

wilma

Ek hoop die leeus sal dt nou oorleef

Lise

Ek kan nie glo dat die NDBV eers ‘n waarskuwing aan die eienaar uitreik nie!! Die NDBV moet dadelik die leeus verwyder! En maak die verdomde teel en jagplaas toe!! Hoe wreed kan mense nog wees!!!

Thinus

Dit is n flou storie wat hy hulle spin!!
Dit is inelkgeval nie n reg om diere te hê of aantehou nie maar n vooreg!!
Wragtig die eienaar kom te lig weg van die mishandeling van die arme leeus, dit is baie tragies!!