[Foto’s] Verulam-plaasaanval laat bloedspoor

'n Bejaarde egpaar is in die vroeë oggendure in hul plaashuis oorval. Foto: Verskaf

‘n Bejaarde egpaar is in die vroeë oggendure in hul plaashuis oorval. Foto: Verskaf

WAARSKUWING: Die foto’s onderaan die berig is grafies van aard en nie geskik vir sensitiewe lesers of kinders nie.

ʼn Bejaarde egpaar is Woensdag in die vroeë oggendure op ʼn plaas in KwaZulu-Natal aangeval. Die man is met ʼn spies gesteek en die vrou is glo verkrag.

Prem Balram, direkteur van die veiligheidsmaatskappy Reaction Unit South Africa, het aan Maroela Media gesê veiligheidsbeamptes is omstreeks 02:58 na die plaas in die Oakford-omgewing, noord van Verulam, ontbied.

“Die huis was met bloed besmeer. ʼn Man, wat met ʼn spies gewapen was, het die egpaar, wat albei in hul 70’s is, se deur oopgebreek,” het Balram gesê.

Die aanvaller het die man met die spies gesteek terwyl hy op waardevolle items aangedring het. “Hy het die vrou daarna na ʼn bos gesleep, waar hy haar glo verkrag het. Die vrou het die aanvaller herken as iemand wat in die omgewing woon. Sy kon daarin slaag om te ontsnap en het na die bure gehardloop vir hulp.”

Die bure het Reaction Unit South Africa ontbied. Die verdagte het gevlug en is steeds soek.

Die egpaar is na ʼn nabygeleë hospitaal geneem vir behandeling. Volgens Balram is albei slagoffers in ʼn stabiele toestand.

Maroela Media het die provinsiale polisie vir kommentaar genader en wag nog vir terugvoer.

Lees ook: [Opvolg] Man vas ná Verulam-plaasaanval

WAARSKUWING: Die volgende foto’s is grafies van aard en nie geskik vir sensitiewe lesers of kinders nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Theresa

Hoe ongelooflik tragies. Mag die wreedaard spoedig aangekeer word, veral omdat hy in die omgewing woonagtig is, behoort dit gou te gebeur.

Theuns

Die aanvaller het sy ras/nasionaliteit weggegee. Hy het ‘n spies gebruik. H y is ‘n Zulu en hy is swart. Die enigste wit Zulu wat ek ken is Dosie.

Judy-Anne

Vieslik dit is vreeslik siestog

Wilmien

Hoe wreed !!!! Arme ou mensies….mag hy gevang word en verrot in die tronk !!!!

Jakes

Tragies.
Swart aanvaller op respekteerde Indiër gesin…
Kwade verontregtes tussen ons mense.