[Foto’s] Verwoerd 50 jaar later

Huisgenoot-1966-voorblad

Die Huisgenoot van 14 Oktober 1966 se voorblad met die bylaag van dr. Verwoerd se staatsbegrafnis. Foto: Die Huisgenoot.

Die Huisgenoot van 14 Oktober 1966 het dit beskryf as “Suid-Afrika se lanfer-lente” en het met ʼn tienblad-bylaag die staatsbegrafnis van die Suid-Afrikaanse eerste minister, dr. Hendrik Frensch Verwoerd, in foto’s en woorde vasgevang.

Verwoerd is 50 jaar gelede op 6 September om presies 14:14 deur Dimitri Tsafendas in sy parlementêre bank in die Volksraadsaal in Kaapstad doodgesteek. Hy is vier keer in die borskas gesteek voordat raadslede Tsafendas, ʼn parlementêre bode, vasgetrek het. Tsafendas is nie ter dood veroordeel nie vanweë sy ernstige geestesongesteldheid, maar regter Andries Beyers het hom onbepaald opgesluit.

Dit was nie die eerste aanslag op Verwoerd se lewe nie. Verwoerd is twee keer geskiet op 9 April 1960 deur David Pratt, ʼn ryk Engelse sakeman en boer, tydens die jubileumjaarviering van die Uniewording van Suid-Afrika in Johannesburg. Pratt het met ʼn .22-pistool Verwoerd in die wang en oor geskiet, maar Verwoerd het die aanslag oorleef en twee maande later weer met sy verpligtinge voortgegaan.

Verwoerd se staatsbegrafnis, wat op 10 September 1966 in Pretoria gehou is, is deur meer as ʼn halfmiljoen mense bygewoon. Hy is in die Heldeakker-begraafplaas in Pretoria begrawe.

Volgens Wikipedia het die bloedbevlekte mat ná Verwoerd se moord tot in 2004 in die Parlementsgebou gebly voordat dit verwyder is. Orania in die Noord-Kaap huisves tans ʼn Verwoerd-uitstalling van memorabilia wat tydens sy leeftyd versamel is. Dit is te siene in die huis waar sy weduwee, Betsie, gewoon het tot haar dood in 2000 in die ouderdom van 98 jaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Anti DA

Dit klink na ‘n goeie eerbare man wat gedink het hy doen die regte ding vir die tyd waarin hy geleef het maar toe gee hy dit ‘n naam.. apartheid.. en tot vandag word die rippel effek daarvan gevoel

Meraai

Ek is presies dag, datum en tyd gebore die dag dat dr Verwoerd vermoor is. My ma het altyd vir my gesê haar hart was dié dag in twee geskeur. Aan die eenkant vreugde oor n eersteling en aan die anderkant hartseer oor n Staatsman wat vermoor is

Koos

n Ware leier. Iemand wat guts gehad het. Hy het letterlik sy lewe op die spel gesit vir sy nageslag. Ons het nie meer sulke leiers onder ons volkie nie…dis jammer nè

Jakkalas

En van toe af ontbreek die land van ‘n ware leier in die sin van die woord. ‘n Staatsman. Van daar af is leiers aangesê watse besluite geneem moet word. PW Botha was die enigste een wat tekens van leierskap kon toon.

Jakoos

Dr. Verwoerd het nooit die woord apartheid gebruik nie, maar altyd verwys na afsonderlike ontwikkeling.