Foto’s: Vier ontvlug brandende motor

Foto: ER24

Foto: ER24

Nog foto’s volg onderaan die berig. Vier mense het Sondagoggend in Woodstock, Kaapstad, uit ʼn brandende motor ontvlug.

“Die voertuig het steeds gebrand toe paramedici by die toneel opgedaag het,” het Luyanda Majija, woordvoerder vir ER24, in ʼn verklaring gesê. “Die persone wat in die voertuig gery het, het langs die pad buite die voertuig gesit toe paramedici opgedaag het.”

Een vrou is ernstig beseer en drie ander het geringe tot matige beserings opgedoen.

“Die voertuig het vermoedelik die padversperring getref nadat die bestuurder beheer oor die motor verloor het,” het Majija bygevoeg. “Die manspassasiers kon uit die motor kom, maar ʼn motorfietsryer het die vrou, oomblikke voordat die motor aan die brand geslaan het, uit die voertuig gesleep.”

Die pasiënte is na ʼn nabygeleë hospitaal geneem vir dringende mediese behandeling.

Majija het paramedici van Life Healthcare en die brandweer bedank vir hul bystand op die toneel.

Die oorsaak van die ongeluk word ondersoek.

Foto: ER24

Foto: ER24


Foto: ER24

Foto: ER24


Foto: ER24

Foto: ER24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae