Konst. Dino Lucy Sekgotodi, woordvoerder van die polisie, het Vrydag aan Maroela Media bevestig hulle het ʼn anonieme wenk ontvang waarna hulle op die verdagtes toegeslaan het.
“Die verdagtes het in ʼn halfton Hyundai-vragmotor van Mpumalanga in Namakgale se rigting gery. Die polisie het die vragmotor van die pad afgetrek en deursoek,” het Sekgotodi gesê. “Ons het ʼn .375-jaggeweer met ʼn knaldemper opgespoor. Dit was in ʼn plastieksak onder die voertuig vasgebind. Daar was ook messe in die voertuig.”
Lucky Bombi (41), een van die verdagtes, het hom eers as ʼn metropolisiebeampte van Gauteng en toe as ʼn polisiereservis probeer voordoen. Hy kon egter geen bewyse hiervoor verskaf nie. “Hy het toe aangevoer hy besit ʼn veiligheidsmaatskappy in Johannesburg.”
Volgens Sekgotodi behoort die voertuig ook nie aan een van die verdagtes nie. “Hulle het aan die beamptes gesê hulle het dit geleen.”
Bombi, Solly Shivambu (39), Welcome Shiundlane (21) en Fizer Bombi (35) het Vrydag in die Namakgale-landdroshof in Limpopo verskyn. Die saak is tot 4 September uitgestel. Hulle word aangekla van die onwettige besit van ʼn vuurwapen en ammunisie.
Sekgotodi sê Fizer is glo van Mosambiek.
Hoe lyk dit my dit gaan nou plek, plek beter met ons polisie. Hoor so hier en daar van suksesverhale.
Ek sal maar nie weer se dat dit jammer is dat hulle net gevang en nie doodgeskiet is nie want die redakteur hou nie daarvan as die dieremoordenaars en misdadigers doodgeskiet word nie.
Dit het tyd geword om renoster stropers te onthoring