Lede van die Pretoriase blitspatrollie het Maandagaand ʼn klag ontvang oor twee voertuie wat roekeloos in Kerkstraat bestuur. Beamptes het na die toneel gehaas waar hulle twee Toyota-bakkies sien jaag het.
Beamptes het die bakkies van die pad af getrek en deursoek waarna hulle op 2 302 kartonhouers sigarette beslag gelê het. Die verdagtes was glo van Mokopane na Midrand onderweg. Volgens die polisie is een van die bakkies vroeër vandeesmaand in Brackendowns gesteel terwyl die ander een verlede maand in Hartbeespoort gesteel is.
Die vier verdagtes sal binnekort in die Atteridgeville-landdroshof verskyn op aanklagte van die besit van onwettige sigarette en gesteelde voertuie.
As hulle mooi gery het, was hulle nooit gevang nie.
2302 kartonne. Hmmm, hier by ons is ‘n spottery, as jy ‘n inbraak aanmeld, word jy outomaites ‘n tweede keer beroof. Dit kom jy gewoonlik eers agter na die ondersoekspan daar was.
Waar daar ‘n rokie trek, daar is ‘n vuurtjie.
Het altyd gedink dis meestal Pakistani’s of Bangladeshi’s wat hierdie tipe misdryf pleeg. As die foto heelbo enigsins betroubaar is, lyk dit of minstens een van die verdagtes blank is. Die versoeking was seker nou maar eenmaal te groot om nie te “dice” nie. Lekker pappie!