[Foto’s] Voertuie vat vlam ná botsing

Foto: Netcare 911

Niemand kon Maandagaand op ʼn toneel gered word nie waar ʼn reusebrand twee voertuie verswelg het ná ’n botsing op die N3 in Johannesburg.

Nick Dollman, woordvoerder van Netcare 911, het gesê paramedici is omstreeks 23:50 na die toneel op die snelweg tussen die Marlboro- en London-afritte ontbied. “ʼn Groot brand het die hele toneel verswelg en niemand kon naby die voertuie kom nie weens die erge hitte,” het Dollman gesê.

Hy het gesê volgens ooggetuies het ʼn bakkie aan die verkeerde kant van die snelweg gery en reg van voor met ʼn vragmotor gebots waarna die voertuie vlamgevat het. “Die brandweer is ontbied en was vinnig op die toneel om die brand te blus. Daar was geen oorlewendes nie en daar word vermoed minstens twee mense is tydens die botsing en brand dood,” het Dollman gesê.

Hy het gesê beamptes van die Johannesburgse Metropolisie (JMPD) was ook op die toneel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

amvi ·

Daar was geen oorlewendes nie, en hulle verwag dat minstens twee mense dood is in die brand? Ek so so dink anders het een van die voertuie nie ‘n drywer gehad nie?

ou aap ·

Ai tog slimjan, daar kon meer as een persoon in een vd voeruie gewees het. Daarom minstens twee.

SE MAAR NET ·

Gisteraand toe ek huis toe ry van die werk, was hul nog steeds besig om die toneel skoon te maak.

Did altyd jammer dat onskuldige mense moet seer kry omdat jy altyd ‘n idioot moet kry wat maak net soos hul wil…..

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.