ʼn Vrou is beseer toe sy Vrydagoggend met haar voertuig deur ʼn huis se dak geploeg het.
Chris Botha, woordvoerder van Netcare 911, het gesê die voorval het Vrydag teen 07:43 in Riverdenelaan in Newlands in KwaZulu-Natal plaasgevind.
“Dit blyk die bestuurder van die voertuig het nagelaat om by ʼn T-aansluiting stil te hou. Die voertuig het toe deur ʼn grensmuur gebars voor dit deur ʼn huis se dak geploeg het. Die presiese oorsaak sal egter deur die polisie ondersoek word,” het Botha gesê.
Die voertuig is in ʼn spaarkamer van die huis aangetref met die bestuurder steeds in die voertuig. “Drie kinders was ten tyde van die voorval tuis, maar was gelukkig in ander vertrekke van die huis toe die voertuig deur die dak gebars het,” het Botha verduidelik.
Robert McKenzie, woordvoerder van die provinsiale nooddienste, het gesê die vrou sterk tans in ʼn hospitaal aan. “ʼn Deel van die huis se muur en dak het op die voertuig beland,” het McKenzie gesê.
Meganiese toerusting moes gebruik word om die rommel van die voertuig en sodoende die bestuurder te bevry. “Paramedici moes oor die puin klim met hul toerusting voor die vrou gestabiliseer kon word,” het Botha gesê.
“Nagelaat” ??? Jy laat dit na om jou voordeur behoorlik te sluit, of die toilet behoorlik te spoel, jy laat dit nie na om behoorllik te stop nie. Nalatigheid is ‘n meer gepaste woord. Lyk my sy het ook “nagelaat” om by die spoedgrens te hou.
Maar Annelize…. om na te laat ìs mos juis nalatigheid! Analiseer die term ‘na te laat’.
Passop
Ek hoop sy herstel die skade aan die huis voordat sy dit ook nalaat- herhinner haar asb?
Iemand het ook nagelaat om stil te hou by n vulstasie. Syf in my mofor vasgejaag waar ek petrol ingegooi het. Syt ook nagelaat om versekering te he en ook nagelaat om n bestuurslisensie te he. Syt ook nie werk nie. Het ook nagelaat om te verseker of die motor gesteel was wat sy gekoop het. Gelukkig het nienalatig gewees nie. My versekering en ek dra aldie kostes. Hoop hierdie mese is meer gelukig ascek
Hier by ons het nog ‘n “persoon” nagelaat om ‘n sirkel te gebruik waarvoor dit daar is, nl. hy’s rond, so ry OM hom. Nie reguit oor, deur heining tot op golfbaan. Sy het nie besef dit was ‘n sirkel.
As ek my nie misgus nie. is dieselfde foto geplaas van die 63 jare vrou wat in ongeluk was in benoni met die voertuig wat oor die stop gery het.
Duidelik het sy ook nagelaat om ordentlik te ry – bly die kinders is almal okay – Hoop haar “nalatigheid” gaan toelaat dat sy vir al die skade betaal.
Al gehoor van ‘met die deur in die huis val’ maar nog nie van so iets
Sy val sommer met die kar in die huis.
Waarom is jy nie by die werk vandag nie Ansie?
“Jammer meneer ek het nagelaat om stil te hou by n t-aansluiting en voor ek my kon keer, is ek deur mense se dak en het tot stilstand gekom in hul spaarkamer!”
Netjiese landing/parkering. Die baas sal nooit hierdie verskoning glo nie.
Ja ne…wat sal n mens se..deur nalatigheid word ook baie kinders gebore…ens..ens..
Dalk, net dalk, het haar remme nagelaat om te werk…
Goeie dag Maroela Media.
So ook het julle nagelaat met ‘n sin…
Paragraaf 3, reël 2.
“Te” is foutief na die woord “T-aansluiting”
Dagsê,
Dankie vir jou kommentaar. Jammer vir die oorsig, die berig is reeds gewysig.
Groetnis
Janie nms. Maroela Media
Dit moet seker ‘n frot(ford) wees wat wou aan die brand slaan!
die vrou het nagelaat om die volle berig te lees oor vlieënde-motors dat dit eers in 2019 dalk beskikbaar gaan wees. nou kom sy as `n ongenooide gas sommer in die spaarkamer intrek!
Sien, dis hoekom beddens altyd opgemaak moet wees en skottelgoed gewas, mens weet nooit wanneer iemand ongenooid inval en dan nog brandweer en polisie en almal saam bring nie!!!
Bly almal is taamlik OK!
Moet nooit nalaat om beddens op te maak of skottelgoed te was nie
Die trane loop soos ek lag. Dis nie n wolhaar storie vir die versekering of die fabrikaat van die motor nie! Briljante bemarking