[Foto’s] Vyf dood ná mislukte transitorooftog

Foto: Verskaf

Foto: Verskaf

Vyf mense, onder wie vier verdagtes, is dood nadat lede van die polisie se misdaad-intelligensie-eenheid, die taakmag en die Valke ʼn transitorooftog naby Secunda gefnuik het.

Kapt. Dineo Lucy Sekgotodi, woordvoerder van die Valke, het gesê hulle het Maandag inligting ontvang oor ʼn sindikaat wat glo beplan het om ʼn SBV-kontantwa te beroof.

Die vermeende rowers is omstreeks 17:00 naby Secunda voorgelê en ʼn skietgeveg het tussen die beamptes en die verdagtes uitgebreek. “Vier verdagtes is op die toneel dood en vyf verdagtes is in hegtenis geneem.”

Volgens Sekgotodi is twee verdagtes in die hospitaal opgeneem vir behandeling. “Een van dié verdagtes is reeds ontslaan en in aanhouding.” ʼn Polisiebeampte is intussen in ʼn motorongeluk tydens die skietery dood terwyl twee beamptes beseer is.

Die beseerde beamptes is per helikopter na ʼn hospitaal geneem vir behandeling. “Daar is op die voertuie, ʼn AK47 en twee pistole beslag gelê,” het Sekgotodi gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Piet

Dit lyk of die polisie deesdae baie van die sindikate vastrek. Hulle sal egter ook moet ophou om regstellende aksie toe te pas in die hele regstelsel, dan sal die beste persone in aanmerking kom vir hierdie belangrike poste. Behalwe dit moet kriminele behoorlik gestraf word, die doodstraf moet terug kom, lewens lank moet beteken lewens lank. Sonder dat die regering radikale veranderinge maak sal die misdaad tendens net die selfde pad volg en nog erger word.

WitBlits

Welgedaan SAPS en daar is soveel lojale, opregte en dapper van julle lede wat elke dag hulle lewens wag om die korrupte gemors vas te vat!

KarooKlong

Goeie inligting, goeie opvolg werk. Knap gedaan SAPD Secunda & Valke. Medelye met die afgestorwe Lid se familie.

tom

Kyk hoe geroes is daai ak hulle het baie begrawe om te gebruik

andre

vang hulle en hang hulle