[Foto’s] Wits-betogers saai chaos in Jhb-strate

Foto: Verskaf

Foto: Verskaf

Die gewelddadige betogings by die Universiteit van die Witwatersrand (Wits) het Maandag oorgespoel na die strate van Braamfontein waar betogers onder meer ʼn bus aan die brand gesteek het.

Nadat betogers en polisiebeamptes vroeër vandag voor die Grootsaal op die Wits-kampus gebots het, het betogers die strate ingevaar waar hulle paaie afgesper en verbygaande motors in Jorissenstraat met klippe bestook het. Die polisie het by verskeie geleenthede traangas en skokgranate afgevuur in ʼn poging om die studente uitmekaar te jaag.

Sakeondernemings in Braamfontein het vinnig hul deure gesluit terwyl die skermutseling tussen die betogers en polisie al meer gewelddadig geraak het.

Intussen het Shirona Patel, woordvoerder van die universiteit, gesê die bestuur is vasbeslote om akademiese bedrywighede op die kampus te laat voortgaan. “Verskeie van die klasse gaan vandag voort op die kampus, hoewel die bywoningsgetalle baie laag is. Waar die hoofde van die departemente voel dit is veilig, gaan die klasse voort,” het Patel gesê.

Volgens die universiteit het die bestuur probeer om ʼn “tweerigting imbizo” met die betogende studente te reël wat deur ʼn onafhanklike persoon gefasiliteer sou word, maar is hulle deur die studente gedreig. “Ons kan nie toelaat dat studente die reëls van die universiteit oortree en hierdie imbizo te midde van dreigemente hou nie. Dit is nie demokratiese gedrag nie,” het sy gesê.

Volgens Patel weier die betogers steeds om met die bestuur te vergader, omdat hulle sê die betoging vorm deel van ʼn nasionale stryd en daar moet ʼn “sterk gesamentlike boodskap” aan die regering gestuur word deur die universiteit heeltemal tot stilstand te dwing.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Mossie

My pa het altyd gesê “meng jou met die semels dan vreet die varke jou”

marlene

Hierdie is ons toekomstige landsleiers. Dis regtigwaar skrikwekkend, om die minste te sê.

Johann

Wat moet nog gebeur voordat die ANC regering die impak van hierdie barbaarse fandalisme op ons land se toekoms het? Nie dat enige van die Zumaters hulle steur aan enige beeld wat mag skade ly nie…maar die Wereld kyk ons met verdwaasde ongeloof aan. Hoe kan n KLEUN groepie anargiste wat met brand en breek en intimideer DREIG on iets te bekom die hele land aan hul skippende voete he? Wat het geword van die beskerming van die meerderheid se regte en voorregte?

Bella van Zyl

En hul reken hul is….uhhhmmm….’beskaafd’…..????!!!!

Spook

Hier is die begin van die rewolusie!