Franse eerste minister op pad na SA

Franse eerste minister Édouard Philippe (Foto: Mueller via Wikimedia Commons)

Die Franse eerste minister Édouard Philippe sal vandeesweek amptelik besoek aflê aan Suid-Afrika en met pres. Cyril Ramaphosa in gesprek tree, het die Franse ambassade Maandag gesê.

Philippe, Ramaphosa en adjunkpresident David Mabuza sal Donderdag gesels oor gedeelde ekonomieë en internasionale belange en verskeie bilaterale ooreenkomste.

Hy sal ook die Suid-Afrikaanse Franse sakeforum in Johannesburg toespreek en met Suid-Afrikaanse beleggers vergader oor veranderinge in Frankryk waar pres. Emmanuel Macron pro-sakehervorming implementeer en poog om die arbeidsmark meer buigbaar te maak.

Philippe sal daarna na Kaapstad vertrek en klankargiewe van die Rivonia-hofsaak, wat die Franse Nasionale Oudiovisuele Instituut gerestoureer het, aan die Suid-Afrikaanse owerhede oorhandig. Hy sal ook Robbeneiland besoek en ʼn boom plant ter nagedagtenis aan pres. Nelson Mandela wat die grootste deel van sy 27 jaar tronkstraf as politieke gevangene hier uitgedien het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Paul

Voormalige kolonialiste?

Koos de Meyer.

Ag siestog.

Hendrik

Wanneer en waar sien hy Ramaphosa? Kom ons gaan betoog oor plaasmoorde en onteiening sonder vergoeding waar hulle vergader.

Willem

Mag ek iets uit die geskiedenis fluister?

Paul

En ek dag Europa is taboe.