FW de Klerk-stigting lê 45 klagtes oor rassisme teen witmense

'n Skermskoot van Siphosethu Nkala se beweerde Facebook-inskrywing. Nkala was 'n werknemer by Sasol, maar is afgedank ná die inskrywing aan die lig gekom het

‘n Skermskoot van Siphosethu Nkala se beweerde Facebook-inskrywing. Nkala was ‘n werknemer by Sasol, maar is afgedank ná die inskrywing aan die lig gekom het. Die skermskoot dien slegs as illustrasie en Nkala is nie noodwendig een van die persone teen wie die Stigting ‘n klag gelê het nie.

Die FW de Klerk-stigting het klagtes by die Suid-Afrikaanse Menseregtekommissie aanhangig gemaak teen 45 sosialemedia-plasings wat glo geweld teen wit Suid-Afrikaners aanhits.

Die stigting het gesê ʼn analise van Facebook toon “gevaarlike rassisme”.

“Meeste kommentators beskou [die voormalige eiendomsagent Penny] Sparrow se uitlatings en die gevolglike, minder omstrede uitlatings van [die afgedankte ekonoom] Chris Hart en [die afgedankte Idols-beoordelaar] Gareth Cliff as bewyse van ‘buitensporige’ en ‘algemene’ wit rassisme,” het die stigting Vrydag in ʼn verklaring gesê. “ʼn Analise van Facebook- en Twitter-boodskappe wys egter dat die kwaadaardigste en gevaarlikste rassisme, wat in uiterste en gewelddadige taal uitgedruk word, van ontevrede swart Suid-Afrikaners kom.”

Volgens die stigting is die boodskappe deurspek met dreigemente om alle witmense, insluitend kinders, dood te maak, om wit vroue te verkrag of alle witmense uit Suid-Afrika te dryf.

Die stigting, wat deur voormalige president FW de Klerk op die been gebring is, het nie aangedui wie die eienaars van die betrokke Facebook-rekeninge is nie.

Die MRK is versoek om sy eie ondersoek in te stel om te bepaal of die boodskappe op haatspraak neerkom kragtens artikel 16 van die Grondwet en artikel 10 van die Wet op die Bevordering van Gelykheid en die Voorkoming van Onbillike Diskriminasie (PEPUDA).

“Die stigting het die MRK ook versoek om seker te maak dat behoorlike stappe gedoen word waar menseregte geskend is, en, waar dit van toepassing is, kommunikasie wat direk aangehits het dat persone doodgemaak moet word of erge menslike beserings aangerig moet word, aan die Nasionale Direktoraat van Openbare Vervolging oorhandig moet word vir verdere oorweging.”

Talle klagtes is die afgelope paar weke aanhangig gemaak teen Twitter- en Facebook-gebruikers oor beweerde rassisme.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

59 Kommentare

jongste oudste gewildste
Maddox

Nou ja toe, kom ons kyk of hiervan iets sal kom, maar ek hou nie my asem op nie.

Dave

De Klerk, hou op om te komkommer want daar is wigte en teenwigte.

Rynhardt

Die De Klerk#stigting is gou om klagtes teen rassisme te le, maar jou leier FW is die oorsaak van alles toe hy Anc aanbewind gebring het.Wat het die stigting verwag? Waar was die De Klerk-stigting die afgelope 22jaar toe wit boere afgemaai is in sy reenboogland? Waar was De Klerk en sy stigting met regstellende aksie die afgelope 22jasr wat blankes ontneem van n toekoms in sy land? Jammer, maar die afgewaterde stigting praat lankal namens die meeste Afrikaners/Boere nie! De Klerk, u is lankal geen faktor meer in reenboogland nie!

Jan maak n Plan

Die MRK sal hulle seker piets met n salie blaar takkie. Soos Maddox hierbo gese het daar sal niks van kom nie.

Frank

+1 vir Frikkie, vir wat dit werd is. Ek sou dink Afriforum moes so iets dryf…