Garsfontein-moorde: Name van susters bekend

mes-aanval

Argieffoto

Die polisie het Donderdagaand die name van die oorledenes in Dinsdagaand se aanval by hul huis in Garsfontein in die ooste van Pretoria aan Maroela Media bekend gemaak.

Kapt. Ilze Jones, woordvoerder van die Garsfontein-polisie, het gesê die oorledenes is as dr. Anna Moloto (43) en haar suster Mahlodi Moloto (39) geïdentifiseer.

“Al drie die oorlewendes word steeds in die waakeenheid van ʼn plaaslike hospitaal behandel,” het Jones gesê.

Die drie oorlewendes is dr. Moloto se 59-jarige lewensmaat, vermoedelik ʼn senior beampte van die departement van toerisme, sy 30-jarige dogter en ʼn huiswerker.

Niemand is nog in verband met die voorval in hegtenis geneem nie en die ondersoek duur voort.

Kol. Kervin Solomons, stasiebevelvoerder van die Garsfontein-polisie, het inwoners Woensdagaand tydens ʼn nagwaak verseker dat die ondersoek hoë prioriteit geniet. “Ons is besig om alle leidrade op te volg en die verdagtes op te spoor en sal geen steen onaangeroer laat nie,” het hy gesê.

Intussen het die veiligheidsmaatskappy ADT gesê hy het sy sigbaarheid in die buurt verhoog. “ʼn Wag is buite die perseel geplaas en bykomende gewapende-reaksievoertuie is in die omgewing ontplooi om die veiligheid van inwoners te verseker. ADT se berader is ook betrek om die slagoffers en familie by te staan,” het ADT gesê.

Maroela Media het vroeër berig die polisie het ʼn soektog van stapel gestuur na drie verdagtes wat Dinsdagaand op die gesin se huis in Miasstraat in Garsfontein toegeslaan en hulle met skerp voorwerpe aangeval het.

Die Moloto-susters is op die toneel dood.

Die aanvallers het met twee televisiestelle en die een slagoffer se voertuig op die vlug geslaan. Die dogter kon kort daarna, Woensdag omstreeks 00:30, daarin slaag om te ontsnap en het hulp by die bure ontbied. Die voertuig is later verlate in Yeoville in Johannesburg opgespoor.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Jonathan

Verskriklik. Die misdaad ruk nou regtig hand uit

Pik

Ons sal moet begin saamstaan en daadwerklik iets teen misdadigers doen!

Jean

Daar moet ernstig na misdaad in SA gekyk word! Van plaasmoorde tot aanvalle in stedelike- en plaaslike woongebiede! Dis onaanvaarbaar dat die regering onaangeraak hierdeur is! Dis JOU LANDSBURGERS, dis JOU BELASTINGBETALERS Suid Afrika, jy moet julle burgers se veiligheid verseker!!! Hou op rassespeletjies speel om verdeeldheid te skep en stig veiligheids en sekuriteitsgroeoe om die polisie te help! Visible policing werk!! RIV aan die oorledenes! En mag die oorlewendes gou herstel!

anni

Dit is absoluut verskriklik,dit wil voorkom of elke nuwe geval se wreedheid en omvang net eskaleer. Sterkte aan oorlewendes en familie.

jakes

Jo…hier kom ń ding