Gastehuiseienaar geskiet in rooftog; vrou rondgepluk

Argieffoto: Nico Strydom

ʼn Man van Brits in Noordwes, die eienaar van ʼn gastehuis op die dorp, is steeds in ʼn ernstige toestand in die hospitaal nadat ʼn groep rowers Dinsdag gedwonge toegang tot die gastehuis verkry het en hom in die bors geskiet het.

Lt.kol. Amanda Funani, woordvoerder van die polisie, het die man as Riaan Venter (50) geïdentifiseer.

Volgens Funani het Venter, sy vrou en sy dogter geslaap toe hulle wakker gemaak is deur vreemde geluide buite die gebou.

Funani sê Venter het alleen gaan ondersoek instel, en is daarna deur een van die verdagtes raakgeskiet.

“Dit is in dié stadium nie duidelik hoe die gebeure ontvou het nie, maar ons weet die vrou is in die hele proses ook rondgepluk. Die rowers het op die vlug geslaan met ʼn televisie, ʼn selfoon en ʼn onbekende bedrag geld,” sê sy.

Venter en sy vrou, wie se naam nié aan die polisie bekend is nie, is beide na die hospitaal geneem. “Venter is in ʼn ernstige toestand in die hospitaal en sy vrou is vir ligte beserings behandel. Sy is reeds ontslaan,” sê Funani.

Die polisie ondersoek ʼn saak van gewapende roof. Meer inligting oor die voorval was nie onmiddellik bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Han

Gewapende roof? Poging tot moord en aanranding!!

Oom Kalahari

@Han, ja dit is so lagwekkend dat hul ‘n saak van gewapende roof ondersoek. Wat van onwettige betreding, dan poging tot moord, aanranding, diefstal/roof.

se maar net

Nog n aanvam op Blankes. Wanneer gaan julle wakker skrik en saam staan teen al die moorde

Pieter

Die swart meerderheid het oorlog verklaar teen die wit minderheid maar al wat ons kan se is bring it on

Elsa

Jammer dat dit gebeur. Tyd dat oral op elke dorp, voorstad en paaie mobile eenhede opgesit word wat die booswigte sal afskrik om die dade te pleeg…ontplooi weermag en sekuriteite en kyk hoe sal die misdaad verdwyn, is wat ek glo