Aanlynaansoeke vir die 2018- akademiese jaar in Gauteng vir leerlinge in graad 1 en graad 8 maak amptelik op Dinsdag, 2 Mei 2017 oop.
Aansoeke kan Dinsdag vanaf 08:00 ingedien word en die aansoeke sluit op 12 Junie 2017 om middernag.
Ouers kan die volgende webwerf besoek om hul kinders vir graad 1 of graad 8 in te skryf: www.gdeadmissions.gov.za
“Ons neem kennis dat sommige ouers reeds voor die geskeduleerde datum aansoek gedoen het, maar dié aansoeke is ongeldig,” het Oupa Bodibe, waarnemende hoof van kommunikasie van die Gautengse departement van onderwys, in ʼn verklaring gesê. “Die betrokke ouers moet weer op 2 Mei om 08:00 inteken en die aansoeke indien.”
Inskrywings vir leerlinge in graad 2 – 7 en graad 9 – 11 het reeds op 18 April oopgemaak.
Vanoggend my kind vir hoërskool geregistreer en dit was gedoen binne 5 minute. Geen probleem!