Panyaza Lesufi. (Foto: Verskaf)
Ouers in Gauteng het net sewe skooldae kans om hul kind se skoolplasing vir gr. 1 of gr. 8 vir 2021 te aanvaar.
Aanbiedings vir plasing sal ná dié tydperk verbeur word waarna die plasing aan die volgende aansoeker op die skoollys aangebied sal word, het Panyaza Lesufi, Gautengse LUR van onderwys, Sondag gesê net enkele dae voor dié provinsie se plasingsfase vir volgende jaar se gr. 1’s en gr. 8’s eerskomende Donderdag afskop.
Die plasingsfase sal tot einde November duur. Skole sal gedurende dié tydperk op grond van hul kapasiteit aanbiedings vir plasings aan ouers via SMS maak. Aansoekers kan tot 31 Oktober aanbiedings vir plasing via SMS ontvang namate daar plek beskikbaar is.
Skole wat met die verloop van die plasingsfase hul volle kapasiteit bereik sal geïdentifiseer en onttrek word aan verdere plasing.
Aansoekers wat nie by die skole waar hulle aansoek gedoen het akkommodeer kan word nie, sal van 1 tot 30 November aanbiedings vir plasing via SMS ontvang van skole wat wel beskikbare ruimte het.
(Argieffoto)
Ouers kan gedurende die plasingsfase meer as een aanbod ontvang hangende die beskikbaarheid van plek by die skole waarvoor aansoek gedoen word. Indien die tweede aanbod aanvaar word, sal die eerste aanbod egter nie meer beskikbaar wees nie.
Lesufi sê skole in Gauteng het volgende jaar kapasiteit vir 373 634 leerders, hoewel sy departement reeds 409 770 aansoeke wat kwalifiseer vir plasing ontvang het. Ouers is toegelaat om by maksimum vyf skole van hul keuse aansoek te doen.
“Die aanname word gemaak dat die meeste leerders geplaas sal word. Die uitdaging is egter dat die meeste skole reeds oorbevolk is weens toelatings in vorige jare.”
Volgens die departement is daar boonop ʼn toenemende vraag na plek in skole in digbevolkte gebiede.
Die LUR het ouers dus daarop voorberei dat baie aansoekers moontlik nie plek gaan kry in een van hul voorkeurskole nie en moontlik geplaas sal moet word in ʼn skool waar hulle nie aansoek gedoen het nie.
Die departement het ook ʼn lys bekend gemaak van die skole wat die meeste aansoeke in die provinsie ontvang het. Volgens Lesufi het al dié skole aansienlik minder kapasiteit as die groot aantal aansoeke wat hulle ontvang het.
| Skool | Aantal aansoeke ontvang | Kapasiteit |
|---|---|---|
| LAERSKOOL AKASIA | 1 515 | 182 |
| LAERSKOOL THERESAPARK | 1 237 | 190 |
| LAERSKOOL RACHEL DE BEER | 1 073 | 240 |
| SELCOURT PRIMARY SCHOOL | 884 | 120 |
| LAERSKOOL SILVERTON | 830 | 180 |
| ALSTON PRIMARY SCHOOL | 830 | 220 |
| ALBERVIEW PRIMARY SCHOOL | 771 | 140 |
| HAMILTON PRIMARY | 762 | 90 |
| FREEWAY PARK PRIMARY | 761 | 180 |
| LAERSKOOL DANIE MALAN | 755 | 154 |
| Skool | Aantal aansoeke ontvang | Kapasiteit |
|---|---|---|
| ALBERTON HIGH SCHOOL | 2376 | 210 |
| HOËRSKOOL LANGENHOVEN | 2040 | 280 |
| SIR JOHN ADAMSON HIGH SCHOOL | 2025 | 280 |
| BOKSBURG HIGH SCHOOL | 2000 | 285 |
| HOËRSKOOL AKASIA | 1870 | 210 |
| HOËRSKOOL PRESIDENT | 1860 | 270 |
| NORTHCLIFF HIGH SCHOOL | 1783 | 300 |
| MONDEOR HIGH SCHOOL | 1760 | 310 |
| PHUMLANI SECONDARY SCHOOL | 1685 | 300 |
| HOËRSKOOL GERRIT MARITZ | 1682 | 210 |
Volgens Lesufi het die departement vanjaar minder vroeë aansoeke vergeleke met vorige jare ontvang. Die departement verwag dus dat die provinsie vanjaar heelwat meer laat aansoeke gaan ontvang.
Gebruik al die geld wat bestee word om nuwe standbeelde te befonds en om dorp en straatname te verander, om eerder nog skole te bou. Of, daar moet briekaangedraai word met die maak van nuwe skoliere…
Perfek reg!
Waar is al ons belasting geld wat skole moes gebou het. Julle ANC is een groot grap.
Op vakansie met ‘n vliegtuig of die een of ander straler, en die bietjie wat oorgebly het is aan KFC geskenk.
wou ook nou net vra waar is die skole wat julle moes bou vir n bevolking wat heeltyd groei ?
En hoeveel nuwe skole is gedurende 2019 tot 2020 boekjaar gebou vir die aanwas van nuwe leerders.
Nee jong,ANC sal nie skole bou nie. Daar is nie eers genoeg onnies vir die bestaande skole nie. Hy sal eerder nog inprop,want “ons” skole werk mos.
Lesufi sit met n groot probleem….. wonder of hy kan sien wat ek sien as ek so na die syfers kyk. Wonder wat gaan hy die keer gebruik om aandag daarvan weg te lei
Ek sal vandag maar nie kommentaar lewer nie. My kommentaar sal net verwyder word. Maar daar is tog nog iets te sê. Haal bietjie die 20 jarige leerders wat nog tussen gr. 8 en 10 rondkuier, uit die skole uit, en kyk of die plek nie meer word nie.
Geen probleem nie, Curro het mos onderneem om leerlinge in te vat en te sponsor vir die wat nie plek in staatsskole kan kry nie.
Hulle het blykbaar baie geld al lyk dit nie so nie as mens na hul aandeelprys kyk nie.
Ouers bou op hul eie onkoste ekstra klasse by hul skole aan. Hoekom kan ouers van daardie skole nie dieselfde doen nie. Of nog beter hoekom kan die Departement nie nog skole bou soos wat hulle veronderstel is om te doen nie. Nou gaan almal weer voor skole opdaag en plek vir hul kinders eis. Die departement weet al jare lank hulle het ‘n probleem met kapasiteit. Die probleem gaan nie weggaan nie! BOU NOG SKOLE!!
Het jy nie gesien hoe doen Soltech dinge nie? Hou op plunder, goed oorneem en vernietig, en bou julle eie… Of is korrupsie te lekker?
Dit is baie duidelik dat daar te min skole is, wat doen ons geliefde Lesufi! NIKS
Waar is die skole wat gebou moes word? Ek dink dis tyd dat Gauteng ‘n bevoegde LUR van Onderwys kry. Hierdie man is heeltemal onbevoeg.
Dis tyd dat die korrupsie in die Onderwys OOK oopgevlek word. Dat ons agter die redes kan kom waarom die staatsdepartement wat vir dekades nou met die grootste begroting beloon word, nog steeds bestaande skole wil volprop en Afrikaanse skole wil verengels. Korrupsie van bo af- wat nie die gekookte uitslae behels nie – maar die vermorsing en verduistering van die onderwysbegroting, wat maak dat skole nie gebou word nie en onderwysers ten gronde gaan en kinders se opleiding al hoe minder werd
En wat doen die heer Lesufi hier omtrent? Niks nie. Al wat hy kan produseer ‘s ‘n klomp mondelinge maagwerkings. Ja en alles is volgens hom, die Afrikaanse skole se skuld. Leë blik maak die meeste geraas.
Ek neem aan al die ontevrede ouers gaan nou opruk en nog skole afbrand
Wat vsn die skoolgebou in Vanderbijlpark wat leeg stasn en geplunder word. Iemand verduidelikasb.
Die magdom kinders is 5 of 6 jaar terug gebore. Het niemand in die hele ANC regering daaraan gedink dat die kinders eendag sal moet skoolgaan nie? Seker maar gehoop “somebody” sal die probleem oplos. Ag, ek vra om verskoning, dis mos nie ‘n probleem nie, net ‘n uitdaging. Net jammer die ANC kom nie by oplossings uit nie.
As daar meer aansoekers as kapasiteit by ‘n skool is, wie kies die aansoekers? Seker weer ‘n ANC-aangestelde amptenaar.