Gauteng sê oor ‘miljoen grafte’

Die LUR vir gesondheid in Gauteng, dr. Bandile Masuku, besoek ‘n begraafplaas in die Pretoria-omgewing. (Foto: Oupa Mokoena/ANA)

Die departement van gesondheid in Gauteng het vure doodgeslaan ná berigte dat meer as ʼn miljoen grafte reeds ter voorbereiding van Covid-19-sterftes in die provinsie gegrawe is.

“Die provinsie het nie meer as ʼn miljoen oop grafte nie. Die meer as ʼn miljoen grafte verwys na die gesamentlike kapasiteit wat munisipaliteite kan hanteer,” het Kwara Kekanan, departementele woordvoerder, gesê.

Die LUR vir gesondheid, dr. Bandile Masuku, het Donderdag ʼn begraafplaas in die Tshwane-metrogebied besoek. Dié begraafplaas het ʼn kapasiteit van 24 000 grafte.

Volgens die departement probeer hy deurlopend sy infrastruktuur en menslikehulpbronkapasiteit te midde van toenemende druk weens die Covid-19-pandemie verbeter.

“Ons verstaan sterftes is ʼn ongemaklike onderwerp om oor te praat. Om te verseker dat daar genoeg grafte in die provinsie is, is ongelukkig deel van die werklikheid vir die regering in die stryd teen Covid-19,” het Kekana gesê.

Gauteng, met 81 546 gevalle (34,2%), het in hierdie stadium die meeste Covid-19-gevalle landwyd. Sterftes weens Covid-19 in die provinsie staan tans op 515 en meer as 23 000 pasiënte het reeds van die virussiekte herstel.

Ses lede van die provinsiale gesondheidsdepartement se sogenaamde Covid-19-oorlogkamer het ook positief vir Covid-19 getoets. Dit sluit in die hoof van die departement, prof. Mkhululi Lukhele.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Willem

Ek weet nie waar hul geleer om so vinnig te lieg oor iets waarop hul alreeds geld uitgegee het nie

Kobus

En nou staan niemand tou om sy stukke grond op te eis nie…..

Fedup

Nah. This just doesn’t make sense at all.
1 million graves? Will you be helping to fill them, i wonder?

Bite Me

Elke gat word seker weer gegrawe teen ‘n hengse koste. Wonder wie het nou weer die lekker tender gekry.

Jan

So, mense gaan nie meer aan enige iets anders as die china flu dood nie? Grootste wereldwye bedrogsul in die geskiedenis van die mensdom, vermom as ‘n virus….