Gauteng-spoedvraat jaag teen ‘rekordspoed’

Argieffoto

Argieffoto

ʼn Gautengse motoris is Vrydagaand op die N1 naby Ventersburg in die Vrystaat in hegtenis geneem nadat hy glo tot dusver die “rekordspoed” vir die feesseisoen aangeteken het.

Die man het glo teen 221 km/h gery. “Verkeersbeamptes het die motor vir 830 meter agtervolg voor die motoris aangekeer is,” het Simon Zwane, woordvoerder van die Padverkeerbestuurskorporasie (RTMC), Saterdag gesê. “Hy is na die Ventersburg-polisiestasie geneem waar hy amptelik aangekla is. Dit is die hoogste spoedoortreding wat nog hierdie feesseisoen aangeteken is.”

Nog ʼn motoris is op die R34 in Odendaalsrus, ook in die Vrystaat, in hegtenis geneem nadat hy teen 199 km/h gery het.

“Motoriste word gewaarsku dat dit ʼn kriminele oortreding is om die spoedgrens te verbreek en ʼn groot bydraende faktor tot noodlottige ongelukke. Verkeersbeamptes is op al die hoofroetes en alternatiewe paaie ontplooi.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
Jannes

830 meter?

Stefaans

Die ou jaag teen 221 km/h en hulle keer hom binne 830m aan?

Ivan

@ Joe, Dink jy hulle kan so ver hardloop. Ek verbeel my daar is n KFC daar naby waar hulle gewoonlik sit.

Andre

Hy behoort nie ‘n boete of tronkstraf te kry nie. Hy behoort tot pasiënt van die Staat verklaar en in ‘n inrigting geboender te word. Geen mens van normale, rasionele denke doen so iets op ‘n openbare pad nie.

scalla

Is die skrywer van die berig dalk gerook, 83 km miskien indien hy weggejaag het, of as dit te voet was sal ek dit graag wil sien, seker n redbull gehad na die kfc.