Gauteng-vrou doodgeskiet toe sy gaan draf

Foto: Verskaf.

ʼn Jong vrou, vermoedelik 30 jaar oud, is Dinsdagoggend doodgeskiet terwyl sy in Johannesburg gedraf het.

Kapt. Mohlaume Mamabolo, woordvoerder van die polisie, het gesê die voorval het omstreeks 06:00 Dinsdagoggend op die hoek van Aloestraat en Zinniarylaan in Marlboro Gardens plaasgevind.

Russel Meiring, woordvoerder van ER24, het gesê hul paramedici het omstreeks 07:00 saam met die Stad Johannesburg se nooddienste by die toneel opgedaag.

Die polisie was reeds op die toneel.

“Die paramedici het die vrou se liggaam aan die kant van die pad aangetref. Sy het skietwonde aan haar bors sowel as haar maag gehad. Daar was ongelukkig niks wat ons vir haar kon doen nie en sy is op die toneel dood verklaar,” het Meiring gesê.

Mamabolo het gesê ʼn saak van moord word ondersoek. Hy kon nie in dié stadium bevestig of enige iets tydens die voorval by die vrou geroof is nie.

Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Werner

Het haar seker vir haar horlosie en skoene geskiet. Raak net al hoe erger.

rina

Ons land is uiters siek, hier bly meer misdadigers as goeie mense. Hoe graag wil ek nie nou die land verlaat nie, ek is soooooo moeg vir al die geweld en dan ook sit ons met ‘n president wat haat aangedrewe dade teen ons mense wil doen, dit raak onuithoudbaar

HPV

Ja die regime het beheer oor die helhool verloor.

Abe

Hoop die skuldige word gou vasgetrek.

Piet

Ek wonder of dit nie iemand is wat geskiet is omdat sy n witmens is nie. Dalk is dit nog n haataanval. Het iemand meer besonderhede?