Tony Matheus (54) het Maandag vlugtig in die Vereeniging-landdroshof verskyn nadat hy glo sy meisie en ʼn vriend doodgeskiet het.
“Die saak is tot volgende week Maandag uitgestel wanneer hy na verwagting formeel sal aansoek doen om borgtog,” het ao Kay Makhubela, woordvoerder van die polisie, gesê.
Hy het die twee glo Sondag in sy vriend se erf in Vlakfontein doodgeskiet.
Die motief vir die skietery is nie bekend nie. Hulle is van naby geskiet, het die polisie in daardie stadium gesê.