ʼn Staking deur Gautrain-busbestuurders het Vrydag slegs ʼn paar uur lank geduur.
“Alle busse is weer terug op die pad,” het Errol Braithwaite, woordvoerder van die Gautrain-bedryfsmaatskappy Bombela, gesê.
Sommige van die werkers het Vrydagoggend te midde van loononderhandelings met ʼn onbeskermde staking begin.
Rea Vaya-busbestuurders het vandeesweek tydens ʼn staking pendelaars vier dae lank gestrand gehou in en om Johannesburg. Dié staking het Donderdag tot ʼn einde gekom.
MyCiTi-busroetes is ook vandeesweek ontwrig nadat ʼn paar busbestuurders van die TPI-voertuigbedryfsmaatskappy het twee dae lank gestaak voordat dié staking ook Donderdag beëindig is. -SAPA
