Gay man hof toe oor kraamverlof

Argieffoto

Argieffoto

ʼn Man van Durban wat in ʼn eenslagtige huwelik is en vir die regering werk, dagvaar sy werkgewer voor die arbeidshof nadat sy aansoek om kraamverlof afgekeur is, berig The Star.

Hy beweer daar is teen hom gediskrimineer toe hy aansoek gedoen het vir volle kraamverlof. Hy en sy lewensmaat het in 2011 die ouers van ʼn pasgebore baba geword ná ʼn ooreenkoms met ʼn surrogaat.

Sy werkgewer het sy aansoek van die hand gewys omdat die vier maande betaalde kraamverlof slegs op vroue van toepassing is. Hy is ingelig dat hy slegs geregtig is op vier dae gesinsverantwoordelikheidsverlof.

Die man het die kwessie na die hoof van menslike hulpbronne geneem, waarna hy twee maande se kraamverlof toegestaan is toe sy saak as ʼn aannemingsouer hanteer is.

Hy het in die hof aangevoer dat daar onregverdig op grond van sy geslag, familieverantwoordelikheid en seksuele oriëntasie teen hom gediskrimineer is. Hy eis skadevergoeding van R400 000 en twee maande se salaris. Hy het glo die hof genader in die hoop dat mense in ʼn soortgelyke posisie uit die saak kan baat.

Die hof het uitspraak voorbehou.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
luke

Ek is stom en slim genoeg om eerder niks te se op die onderwerp nie. Ek wonder net oor een ding! As hulle Suid Afrika se naam verander na Surkus, beteken dit dan ons word clowns? Ek wonder maar net…

Vrou

Dis twak, indien hy kraamverlof benodig het kon hy soos alle ander maar die onbetaalde tyd gekry het, die feit dat hulle hom reeds twee maande gegee het is genoeg. En hoekom nou 3 jaar later eers die saak aanhandig maak, hoekom nie onmiddeliknie, hy het duidelik genoeg geld om te mors op regsonkoste so mors hy nou ons staats geld ook want hulle verdedig die saak met ons belasting geld.
Aanvaar jy wie jy is en leef voort moenie jou lewenswyse aan ander probeer opdring nie.

Asjas

As sy liggaam kon doen en deurmaak wat ‘n vrou doen kan hy ook 4 maande verlof kry. Dit gaan oor meer as net ‘n tydjie by die kleinding spandeer. Wat wou HY in die 4 maande doen? Borsvoed????? Dis in elk geval ook onbetaald en UIF uiters traag, gee hom 4 maande. Meeste vrouens gaan vandag na 6 weke terug werk toe agv tekort aan geld. Bestuur al 4 weke na keiser snit ens. Die MAN klink vir my soos ‘n luiaard.

Anti-Azania

Die swaap “werk” vir die staat dus is daar nie veel sprake van werk nie, ek het gedink hulle is permanent op kraamverlof!

iemand

Ek dink alby ouers moet kraamverlof kry wanneer n nuwe lewe die gesin inkom. Of die ouers nou die selfde geslag is of nie. En mense moet ophou so lelik in die komments wees oor die tipe paartjies, dis nie julle in die verhouding of wat daarmee lewe nie, so hou op dit so ‘persoonlik’ op vat as iemand anders liefde gevind het, selfs al is dit in iemand van hul eie geslag. Dis nie julle saak, of plek om n eiertjie te le oor iemand se tipe liefde nie, al dink julle dis verkeerd. Dis anyway so n simpel… Lees meer »