Geen amptelike herdenking vir 2001 se stormloop-slagoffers nie

‘n Skermskoot van die twiet. Foto: ANA.

Kaizer Chiefs en Orlando Pirates het gesê die lewens van die 43 sokker-ondersteuners wat in Suid-Afrika se grootste sokkerramp in 2001 dood is, sal altyd onthou word, selfs al was daar nie Woensdag – op die 17 jaar-herdenking van dié tragedie – ʼn amptelike gedenking deur die klub óf die premiersokkerliga (PSL) nie.

43 mense is op 11 April 2001 dood tydens ʼn stormloop by Ellispark-stadion in Johannesburg.

Sowat 60 000 ondersteuners was reeds binne die stadion en nog 30 000 het buite die venue bymekaargekom in ʼn desperate poging om in te kom om die sogenaamde “Soweto Derby” te kyk.

Thandi Merafe, Orlando Pirates se woordvoerder, het gesê die klub sal altyd die mense onthou wat oorlede is in daardie voorval. “Hulle sal altyd in ons harte wees, nie net as die span nie, maar as die Suid-Afrikaanse sokkervereniging (Safa) as ʼn geheel.”

Merafe het gesê dat geen geleentheid egter vir Woensdag gereël is nie. Johannesburg het Woensdag tot ʼn stilstand gekom om die dood van Winnie Madikizela-Mandela te herdenk. Sy is op 2 April in die ouderdom van 81 dood.

Vina Maphosa, woordvoerder vir die Kaizer Chiefs, het ook gesê die mense wat daardie dag oorlede is, sal altyd onthou word.

Sommige sosialemediagebruikers was egter ontevrede omdat die PSL net ʼn foto getwiet het met ʼn byskrif wat gelees het: “Vir die 43 wat nooit huis toe gekom het nie, vandag onthou ons die ondersteuners wat hul lewens tragies verloor het tydens die Ellispark-ramp. Hulle sal vir altyd in ons gedagtes wees.”

Aanhangers het dit as “nie opreg nie” bestempel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Ella

Tyd vir afsluiting / closure

TS

As daar elke jaar vir elke tragedie herdenkings gehou moet word waar gaan dit eindig.

Colleen

Alles kan nie gedenk word en die belasting betaling moet daarvoor opdok nie. Genoeg etes word met belasting geld geborg!

Alida

Genade stop dit dadelik! Dit is geld mors op sy heel beste. Die mense het dit self veroorsaak deur mekaar dood te trap !!!!! Wat is daar om te gedenk?

Niel

Nie regtig n “tragedie” nie, as die toeskouers net die reels gevolg het, maar nee, net nog n voorbeeld van ons wil hê hê hê.