Argieffoto
Die Pretoriase hooggeregshof kon glo nie ʼn beslissende uitspraak lewer oor ʼn man wat ʼn dokter gedagvaar het na ʼn buite-egtelike verhouding met sy vrou nie, het The Star Dinsdag berig.
Regter KE Matojane het elke party beveel om hul eie regskoste te betaal. “Alhoewel ek begrip het vir die aanklaer se posisie, kan simpatie nie die rol van bewyse inneem nie,” het die regter gesê.
Die man het gesê hy het in 2011 vermoed sy vrou en die gesin se huisdokter is in ʼn verhouding en dat hulle mekaar ʼn paar keer by sy spreekkamer gesien het. Hy het die dokter vir R2.5 miljoen gedagvaar, maar die dokter het enige onbehoorlike gedrag ontken, ondanks die vrou se bewering dat hulle seks gehad het.
Die vrou, wat nog steeds met die man getroud is, is nie as ʼn getuie geroep nie. Die regter wou nie spekuleer waarom die man nie sy vrou wou laat getuig nie, maar sê hy kan nie haar getuienis oor die verhouding op hoorsê aanvaar nie.
Matojane sê die man se bewyse steun nie die bewerings nie. -SAPA
Lekkerrrrr Maryna Lekkerrrrr :-)
Se die dr. dieselfde ?? ( en sies vir jou oor die ” namedropping ” ) Gentlemen don’t tell.
R2.5 miljoen is nogal ‘n aardige bedraggie ;)