Geen besluit oor kredietgradering gemaak nie

Die kredietgraderingsagentskap het nie Suid-Afrika se Baa3-gradering hersien nie. Die aankondiging is Vrydag verwag.

Dit beteken die land bly op beleggingsgraad met die vooruitsig vir die gradering stabiel totdat die volgende hersiening op 1 November plaasvind. Moody’s het eers om 02:00 Saterdagoggend aangekondig dat hy nie ʼn besluit gaan neem nie.

Die graderingsagentskappe Standard & Poor’s Global Ratings en Fitch Ratings het die land in 2017 tot rommelstatus afgegradeer.

ʼn Soortgelyke gradering deur Moody’s sou die Suid-Afrikaanse ekonomie, en pres. Cyril Ramaphosa se veldtog om beleggings van $100 miljard oor die volgende vyf jaar te bekom, swaar getref het

Dit is die tweede keer wat Moody’s nie die gradering hersien nie. Die maatskappy het nie redes verskaf vir sy besluit nie.

Die rand sal na verwagting effens versterk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Werner

N mens het nie n halwe ertjiepit vir n brein nodig om te weet dat ons eintlik maar rommelstatus is nie en glo my die buitelandse beleggers en media 24 weet dit ook want hoekom trek hulle hulle geld uit die land uit

Elize

Nou gaan beurtkrag seker weer begin. Die SAID werknemers gaan hul sin kry ens ens tot volgende gradering in November.

Varkie

Omgekoop vir verkiesingstyd.. ?

ne

Alles in die land is rommel! Van bo tot onder in die regering van die anc

Dries du Toit

Moody’s se geloofwaardigheid gaan in die slag bly