Geen beurtkrag Woensdag verwag, maar…

(Foto: pixabay)

Geen beurtkrag word Woensdag verwag nie, hoewel Eskom gebruikers maan om elektrisiteit spaarsamig te gebruik.

“Die spaarsamige gebruik van elektrisiteit sal help om die las op die stelsel te verminder en sodoende die risiko vir beurtkrag te verlaag,” sê die kragvoorsiener in ’n verklaring.

Luidens die verklaring bly die stelsel beperk met onbeplande onderbrekings wat Dinsdagaand omstreeks 18:00 op 12 974 MW gestaan het. Eskom se spanne werk onverpoos om dié onderbrekings tot minder as 9 500 MW te beperk om sodoende beskikbare kapasiteit te verhoog.

Die kragvoorsiener stel gebruikers egter gerus dat alle noodkragopwekkers beskikbaar is om kapasiteit aan te vul indien dit deur die dag sou nodig wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Lizzy

Ons krag gaan nog steeds af die heeltyd, 4 – 6 ure op ‘n slag. Maar daar is geen beurtkrag nie?

NeeBroer

Spaarsamig gebruik…

En hier sit ek dag na dag maand na maand jaar na jaar en as ek by my kantoor se venster uitkyk sien ek hoe brand al die straatligte HEELDAG ELKE dag….

Maljan

Een sin vir Eskom EEN KW EEN PRYS, OF JY 100KW KOOP IN SOWETO OF 20 000 KOOP IN SEEPUNT!

SjN

Geen beurtkrag, dit is hul werk om krag op te wek en verskaf en was ook hul keuse om die beroep te volg en waarvoor hul ruim vergoed word, die woordjie ….maar….sal dan nie nodig wees om te gebruik in berig nie

Ben Geldenhuis

Eskom se nuwe, skelm, naam vir Beurtkrag is Load Reduction of Wide Area Outage. Die voordele van die nuwe naam sluit in dat hulle nie skedules hoef af te kondig of vooraf waarskuwing te gee nie en dat daar geen beperking op die aantal ure hoef te wees nie. Slim nê?