Geen borgtog vir Griekwastad-moordenaar

Die 17-jarige seun wat skuldig bevind is aan die Steenkamp-gesin se moorde in Griekwastad

Die 17-jarige seun wat skuldig bevind is aan die Steenkamp-gesin se moorde in Griekwastad

Regterpresident Frans Kgomo het Donderdag in die Noord-Kaapse hooggeregshof geweier om die borgtog te verleng van ʼn 17-jarige seun, wat aan die Griekwastad-moorde skuldig bevind is.

Kgomo het Donderdag gesê hy sal later die redes vir sy besluit bekend maak. “Ek is nie tevrede dat dit in die belang van geregtigheid sal wees nie,” het die regter gesê.

Die seun is skuldig bevind dat hy Deon Steenkamp (44), sy vrou Christelle (43) en dogter Marthella (14) op 6 April 2012 op die plaas Naauwhoek vermoor het. Die tiener is ook skuldig bevind op ʼn aanklag van dwarsboming van die gereg en dat hy Marthella verkrag het.

Staatsaanklaer Hannes Cloete het gesê die enigste ding wat die staat van die seun weet is dat hy ʼn moordenaar is. “Ons het nou by ʼn tyd gekom waar sy regte ingekort moet word,” het Cloete gesê toe hy sy verweer teen die verlenging van borgtog gelewer het.

Kgomo het vroeër gesê hy ken nie regtig die seun buiten die bewyse wat voor die hof gelê is nie.

Cloete het gesê dit is nou bekend dat die seun ʼn koelbloedige moordenaar is wat ʼn gesin uitgewis het.

Die seun se regspan het aangevoer dat streng borgtogvoorwaardes aanvaarbaar sal wees. Die seun se voog het ter ondersteuning daarvan getuig, maar ʼn foto is gewys waar die seun toegang gehad het tot ʼn vuurwapen tydens ʼn jagekspedisie op die voog se plaas. Kgomo het gesê dit laat hom ongemaklik voel.

Die seun moet in ʼn gevangenis in Kimberley bly tot sy vonnisoplegging op 13 Mei.

Kgomo het vroeër gesê Marthella is voor haar ouers gemartel voordat hulle doodgeskiet is. Hy het bygevoeg hy wil nie enigiets sê oor die seun se gedrag in die getuiebank nie, maar bygevoeg die seun het nie enige emosie getoon nie. “Hy het met ʼn sterk stem getuig en is nie van stryk gebring toe die staat hom in ʼn hoek gedryf het nie,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Jaco

Die seun mag wel dan nou skuldig wees maar wat maak die blanke minderjarige anders as die swart minderjarige moordenaar van Terblanche. Die se regte moes beskerm word want hy is minderjarig. Hy mag nie na ‘n tronk gegaan het nie maar is na ‘n plek van veiligheid gestuur. Maar die wit seun moet tronk toe nou laat dit my die vraag het wit oortreders dan nou minder regte as swart oortreders? Ons blankes oordeel ons eie baie vinnig en streng maar is baie vergewens gesind teen oor die swart misdadiger wat kamtig die misdaad uit honger of aremlastigheid gepleeg… Lees meer »

Annatjie Durant

Jy kan geensins die twee sake met mekaar vergelyk nie! Dit was sy ouers en suster-en hy het nie eers berou daaroor nie

PK

Jaco ek stem saam met jou rakende die hantering van die saak, ons moet egter ook na die regter kyk, hierdie ou is ‘n uiterste rassis en erg gekant teen ons blankes. ‘n Vorige geval waar hy ook ‘n blanke man skuldig bevind het is deur die appèlhof totaal uitgegooi. Volgens dit wat ek in die media kon aflei, was die hele saak gebaseer op bespiegelings en was daar geen konkrete bewyse teen die seun nie. Volgens die pataloog was daar geen teken dat die meisie verkrag was nie, en dit is dan nou die kern van die staat se… Lees meer »

Matthys

Sit asb. my opinie in die regte volgorde, aangesien daar beslis konkrete opinies gelig word!
Myns insiens is dit betreurenswaardig dat soveel mense van alle rasse groepe vermoor word.
Hoop ons nie maar almal dat ons geliefdes veilig behoed en bewaar word teen watter aanslag ookal nie! Vir my is dit eenvoudig… misdaad is kleurloos!

Andre

As n mens jou pa en ma vermoor jou sussie verkrag en vermoor verdien jy nie simpatie nie, dit lyk amper asof hy n held is soos party mense opkom vir hom en hom jammer kry