Geen salarisverhogings vir dié hoës

President Cyril Ramaphosa
(Oktober 2018) Foto: Kopano Tlape/GCIS

Die adjunkpresident, kabinetministers, adjunkministers, die speaker van die nasionale vergadering, die voorsitter van die nasionale raad van provinsies, die adjunkspeaker, adjunkvoorsitter en ander sal nie vanjaar enige salarisverhogings ontvang nie, het pres. Cyril Ramaphosa Saterdag gesê.

Ramaphosa het alle vergoedings uiteengesit vir staatsamptenare vir die 2018/19- finansiële jaar.

Die Onafhanklike Kommissie vir die Vergoeding van Staatsamptenare het ʼn verhoging van 4% aanbeveel vir alle kategorieë van staatsamptenare, maar Ramaphosa het “anders besluit”, het die presidensie in ʼn verklaring gesê.

Ramaphosa se besluit, om nie die aanbevelings van die kommissie te volg nie, is gebaseer op die idee dat die staat “bedagsaam en reaktief moet wees en selfbeheersing moet toon, veral in ʼn tyd van finansiële probleme wanneer salarisvlakverhogings bepaal word vir staatsamptenare”.

Salarisse en toelatings vir regters van die konstitusionele hof en regters van ander howe sal met 2.5% verhoog vanaf 1 April 2018.

LP’s in die kategorieë van huisvoorsitter, hoofsweep: meerderheidsparty, leier van die opposisie en swepe, lede van die nasionale vergadering en permanente afgevaardigdes aan die nasionale raad van provinsies sal ook ʼn verhoging van 2.5% ontvang.

Premiers, lede van uitvoerende rade in provinsies en speakers sal nie enige salarisverhoging ontvang nie. Lede van provinsiale wetgewers sal ʼn verhoging van 2.5% ontvang.

Landdroste sal ʼn 4%-verhoging ontvang asook ampsdraers in die nasionale en provinsiale huise van tradisionele leiers. Tradisionele konings en koninginne sal 2.5% ontvang. Senior tradisionele leiers en hoofmanne en -vroue sal ʼn verhoging van 4% ontvang, het die presidensie aangedui.

Ramaphosa het die kommissie en die nasionale tesourie bedank vir hul leiding om ʼn finansiële besluit te neem. Besonderhede oor die salarisverhogings sal in die Staatskoerant gepubliseer word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
John

Jip, Ramaposa sal Mogoeng Mogoeng “happy” moet hou.

Hans

Ag asseblief, 4% van ‘n half miljoen per MAAND is nou seker min!!?? Die CEO van Eskom kry meer as dit!!!
Dink hulle ons is dom? Hulle 4% verhoging is meer as meeste mense se maandelikse pensioen..??

Spike

Geen verhoging vir hele staatsdiens. Verdien dit nie, want onbevoegde klomp. Comrades het sa vernietig.

Hennie

Ok ek verstaan nou nie. Ons het n president maar tog word daar tradisionele Konings ook betaal? Nou hoe werk dit? Betaal ons as belasting betalers nou nog hulle ook?

lewies

Hulle sal dit op een of ander wyse verhaal. Al is dit rente op die miljoene wat hulle bele het. Dit is nie nuus nie.